مەملەكەتتىك قىزمەت كورسەتۋ: قانداي سالاعا شاعىم ءجيى تۇسەدى
ەلىمىزدە مەملەكەتتىك قىزمەت كورسەتۋدە شاعىم ءجيى تۇسەتىن سالالار اتالدى، دەپ حابارلايدى Kazinform.
«ساپاسىز مەملەكەتتىك قىزمەت كورسەتۋگە قاتىستى 629 ءوتىنىش قارالدى. شاعىمداردىڭ كوپشىلىگى مەملەكەتتىك ورگاندار بويىنشا جەر قاتىناستارى، ساۋلەت، تۇرعىن ءۇي- كوممۋنالدىق شارۋاشىلىعى، جۇمىسپەن قامتۋ جانە الەۋمەتتىك قامسىزداندىرۋ سالالارىندا مەملەكەتتىك قىزمەتتەرگە قاتىستى بولىپ وتىر. وتىنىشتەردى قاراۋ قورىتىندىسى بويىنشا 181 قىزمەت الۋشىنىڭ قۇقىعى قالپىنا كەلتىرىلدى. كەلىپ تۇسكەن ءاربىر وتىنىشكە ەگجەي-تەگجەيلى تالداۋ جۇرگىزىلەدى جانە ازاماتتاردىڭ مۇددەلەرى مەن سۇرانىستارىن ەسكەرە وتىرىپ، كورسەتىلەتىن قىزمەتتى بەرۋشىلەردىڭ جۇمىسى مەن تيىمدىلىگى باعالانادى»، - دەدى ق ر مەملەكەتتىك قىزمەت ىستەرى اگەنتتىگى ءتوراعاسىنىڭ ورىنباسارى سالاۋات مۇكسىموۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
