مەملەكەتتىك كەڭەسشى ەتنوسارالىق كەلىسىمدى نىعايتۋ ماسەلەلەرى جونىندە رەسپۋبليكالىق جيىن وتكىزدى
استانا. KAZINFORM - مەملەكەتتىك كەڭەسشى ەرلان قارين ەتنوسارالىق كەلىسىمدى نىعايتۋ ماسەلەلەرىنە ارنالعان رەسپۋبليكالىق جيىن وتكىزدى. باسقوسۋعا پرەزيدەنت اكىمشىلىگى قۇرىلىمدىق بولىمشەلەرىنىڭ باسشىلارى، ورتالىق مەملەكەتتىك ورگانداردىڭ وكىلدەرى، سونداي-اق الماتى جانە جامبىل وبلىستارىنىڭ اكىمدەرى قاتىستى.
كەڭەسكە قاتىسۋشىلار ەتنوسارالىق قاتىناس سالاسىنداعى تۇراقتىلىقتى نىعايتۋعا، ازاماتتىق قوعام ينستيتۋتتارىمەن ءوزارا قارىم-قاتىناستى جانداندىرۋعا، مەملەكەتتىك اقپارات ساياساتىن جۇرگىزۋگە قاتىستى اتقارىلىپ جاتقان جۇمىستار تۋرالى باياندادى. سونىمەن قاتار مەملەكەت باسشىسىنىڭ قازاقستان حالقىنا جولداۋىندا ايتىلعان «زاڭ مەن ءتارتىپ» يدەولوگياسىنىڭ قاعيدالارىن جۇزەگە اسىرۋ بارىسى تۋرالى مالىمەت بەردى.
جيىن سوڭىندا مەملەكەتتىك كەڭەسشى جاۋاپتى مەملەكەتتىك ورگاندارعا كەلەسى جىلى ەتنوسارالىق كەلىسىمدى جانە ەل بىرلىگىن قامتاماسىز ەتۋ بويىنشا جۇرگىزىلەتىن ىشكى ساياسي جۇمىستاردىڭ باسىم باعىتتارىنا قاتىستى ناقتى تاپسىرمالار بەردى.
وسىعان دەيىن ەرلان قاريننىڭ جەمقورلىقپەن كۇرەس بويىنشا ءبىرقاتار تاپسىرما بەرگەنىن جازعان ەدىك.
