مەملەكەتتەن 921 ميلليون تەڭگە بولىنگەن ەكى كينو سول كۇيى پروكاتقا شىققان جوق
استانا. KAZINFORM - الماتى قالاسى پروكۋراتۋراسىنىڭ قاداعالاۋ اكتىسى بويىنشا مادەنيەت كوميتەتى ءتوراعاسىنىڭ ورىنباسارى جاۋاپتىلىققا تارتىلدى. بۇل تۋرالى الماتى قالاسىنىڭ پروكۋراتۋراسى مالىمدەدى.
الماتى قالاسىنىڭ پروكۋراتۋراسى 2019-2023 -جىلدارعا ۇلتتىق كينونى قولداۋعا بولىنگەن بيۋدجەت قاراجاتىن يگەرۋ كەزىندەگى زاڭدىلىقتىڭ جاي-كۇيىنە تەكسەرۋ جۇرگىزدى.
ۇلتتىق فيلمدەردى قارجىلاندىرۋدىڭ تيىمسىز قارجىلاندىرىلعان فاكتىلەرى انىقتالدى، وندا ۇلتتىق كينونى قارجىلاندىرۋدىڭ ەكونوميكالىق ورىنسىزدىعىمەن بايلانىستىرىلعان.
«مىسالى، 2019-2021 -جىلدار كەزەڭىندە «ۆىبور» كينوفيلمى ونى ءتۇسىرۋدىڭ بارلىق كەزەڭىندە 500 ميلليون تەڭگە سوماسىنا تولىق كولەمدە قارجىلاندىرىلدى. الايدا مەملەكەت تولىقتاي قولداعانىنا قاراماستان، اتالعان فيلم پروكاتقا سول كۇيى شىقپادى. ال «كينەماتوگرافيا تۋرالى» قازاقستان رەسپۋبليكاسى زاڭىنىڭ 12-بابى 1-تارماعىنا سايكەس مەملەكەتتىك قارجىلىق قولداۋ، ۇلتتىق فيلمدەردى جانە سوعان بايلانىستى ءىس-شارالاردى شىعارۋدى، پروكاتتاۋدى جانە كورسەتۋدى ۇيىمداستىرۋ، سونداي-اق ۇلتتىق فيلمدەردى شەتەلدە كورسەتۋ ءۇشىن ۇسىنىلادى»، - دەپ حابارلادى پروكۋراتۋرادان.
ونىڭ ۇستىنە، اتالعان فيلمگە پروكاتتاۋ كۋالىگى الىنباعان، بۇل زاڭنىڭ 14-بابى 1-تارماعىنا قايشى كەلەدى (ۇلتتىق دەپ تانىلعان فيلمگە ۇلتتىق ءفيلمنىڭ كۋالىگى بەرىلەدى).
وسىلايشا مەملەكەت، زاڭنامادا كوزدەلگەن پروكاتتان جانە فيلم كورسەتىلىمىنەن تۇسەتىن كىرىستىڭ %20 ىن الۋ مۇمكىندىگىنەن ايىرىلعان.
تاعى ءبىر ۇقساس ءجايت، 421 ميلليون تەڭگە سوماعا قارجىلاندىرىلعان «تىرنالار» فيلمى پروكاتقا شىققان جوق.
2019 -جىلدان باستاپ فيلمدەر مونيتورينگىنىڭ ءبىرىڭعاي اۆتوماتتاندىرىلعان اقپاراتتىق جۇيەسى قولدانىسقا ەنگىزىلمەگەن، ول ەلدىڭ بارلىق كينوتەاترلارىندا كينوكورسەتىلىمدەر مەن ساتىلعان بيلەتتەر بويىنشا، سونداي-اق فيلمنىڭ بيۋدجەتى بويىنشا ستاتيستيكانى قاداعالاۋعا مۇمكىندىك بەرەر ەدى.
«كينوجوبالارعا وبەكتيۆتى ىرىكتەۋ جۇرگىزىلمەيتىن ساراپتامالىق كەڭەستىڭ جۇمىسى جەكەلەگەن نارازىلىقتاردى تۋدىرىپ وتىر، ونىڭ ۇستىنە كينوكومپانيالاردىڭ پروديۋسەرلەرى، رەجيسسەرلەرى، اكتەرلەرى، قۇرىلتايشىلارى ءبىر ۋاقىتتا ساراپتامالىق كەڭەستىڭ مۇشەلەرى بولىپ، ناتيجەسىندە جوبا قارجىلاندىرىلعان، بۇل ق ر ۇكىمەتىنىڭ 2019 -جىلعى 15- ناۋرىز № 113-قاۋلىسىنا قايشى كەلەدى»، - دەلىنگەن حابارلامادا.
كورسەتىلەتىن وراسان زور مەملەكەتتىك قارجىلىق قولداۋعا قاراماستان، كۇتىلەتىن ماقساتتار مەن مىندەتتەرگە قول جەتكىزىلمەگەنىنە تەكسەرۋ ناتيجەلەرى دالەل.
قالا پروكۋراتۋراسىنىڭ قاداعالاۋ اكتىسى بويىنشا ق ر مادەنيەت جانە اقپارات مينيسترلىگى مادەنيەت كوميتەتى ءتوراعاسىنىڭ ورىنباسارى، سونداي-اق «ۇلتتىق كينونى قولداۋ مەملەكەتتىك ورتالىعى» ك ە ا ق باسقارما ءتوراعاسىنىڭ ورىنباسارى تارتىپتىك جاۋاپتىلىققا تارتىلدى.
