مەملەكەتتەن 14-35 ارالىعىنداعى جاستار 3 ميلليون تەڭگەنى قالاي الا الادى؟

ونى قالاي الۋعا بولادى؟

26- قىركۇيەكتە مادەنيەت جانە اقپارات مينيسترلىگى مەملەكەت باسشىسى تاعايىنداعان «تاۋەلسىزدىك ۇرپاقتارى» گرانتىنا كونكۋرس باستالعان بولاتىن. كونكۋرس بويىنشا 3 ميلليون تەڭگەدەن 30 گرانت بەرىلەدى.

كونكۋرستىڭ ماقساتى بەلسەندى شىعارماشىل جاستار قاۋىمداستىعىن قالىپتاستىرۋعا باعىتتالعان جاستاردىڭ جاڭا جانە قولدانىستاعى باستامالارىن مەملەكەت تاراپىنان قولداۋ.

كونكۋرسقا قازاقستان رەسپۋبليكاسىنىڭ 14 جاستان باستاپ 35 جاسقا دەيىنگى ازاماتتارى ۇمىتكەر بولا الادى.

گرانتتار 5 باعىت بويىنشا بەرىلەدى:

«عىلىم» - عىلىمنىڭ باسىم سەكتورلارىندا جاڭا عىلىمي جوبالاردى جانە زەرتتەۋلەردى ىسكە اسىرۋعا ارنالعان؛

«مادەنيەت» - قازاقستاننىڭ مادەني مۇراسىن تانىمال ەتۋگە، حالىقتىق مادەني داستۇرلەر مەن ونەردى ىلگەرىلەتۋگە باعىتتالعان جوبالاردى ىسكە اسىرۋعا ارنالعان؛

«اقپاراتتىق تەحنولوگيالار» - جاڭا IT شەشىمدەر مەن جوبالاردى، ونىڭ ىشىندە جاڭادان باستالعان ستارتاپ جوبالاردى ىسكە اسىرۋعا جانە ازىرلەۋگە ارنالعان؛

«بيزنەس» - ەكونوميكانىڭ باسىم سەكتورلارىندا جاڭا بيزنەس-يدەيالاردى ىسكە اسىرۋعا ارنالعان؛

«مەديا» - جاڭا مەديا جوبالاردى، ونىڭ ىشىندە جاستار ءۇشىن تانىمدىق، پايدالى، قىزىقتى كونتەنت قۇرۋ جونىندەگى جوبالاردى ىسكە اسىرۋعا ارنالعان.

كونكۋرستىق وتىنىمدەر مەملەكەتتىك جانە (نەمەسە) ورىس تىلدەرىندە قابىلدانادى جانە:

1-قوسىمشاعا سايكەس نىسان بويىنشا كونكۋرستىق ءوتىنىم؛

2-قوسىمشاعا سايكەس نىسان بويىنشا جوبانىڭ سيپاتتاماسى؛

جوبا بويىنشا (60 سەكۋندتان اسپايتىن) بەينەماتەريال نەمەسە (10 سلايدتان اسپايتىن) پرەزەنتاتسيا؛

3-قوسىمشاعا سايكەس نىسان بويىنشا شىعىندار سمەتاسىنىڭ جوباسى؛

PDF فورماتىنداعى زياتكەرلىك مەنشىك تۋرالى مالىمەتتەر (بار بولسا)؛

PDF فورماتىنداعى جەكە كۋالىك نەمەسە تۋۋ تۋرالى كۋالىكتىڭ كوشىرمەسى بولۋى ءتيىس.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى