مەملەكەت ۇيالى بايلانىس تاريفىن رەتتەي الا ما

رەداكسيا تاراپىنان ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنە رەسمي ساۋال جولداعان بولاتىنبىز. «ۇيالى بايلانىس تاريفتەرىنە بايلانىستى باعا ساياساتىن رەتتەۋ بويىنشا قانداي باستاما قولعا الىندى؟» دەگەن سۇراققا مينيسترلىكتىڭ تەلەكوممۋنيكاتسيالار كوميتەتى ناقتى جاۋاپ بەردى. ايتۋلارىنشا، قولدانىستاعى زاڭناماعا سايكەس مەملەكەتتىڭ ۇيالى بايلانىس وپەراتورلارىنداعى باعا ساياساتىنا ارالاسۋعا قۇقى جوق.

«ق ر كاسىپكەرلىك كودەكسى اياسىندا، باسەكەلەستىكتى دامىتۋ ماقساتىندا 2017-جىلدىڭ 1-قاڭتارىنان باستاپ مەملەكەت بايلانىس قىزمەتتەرى تاريفتەرىن رەتتەمەيدى. كاسىپكەرلىك كودەكىسىنىڭ 116-بابى 1-تارماعىنا سايكەس كاسىپكەرلىك سۋبەكتىلەرى تاۋارلارعا تاريف جانە باعا، جۇمىستار، قىزمەتتەردى دەربەس ايقىندايدى. «بايلانىس تۋرالى» قازاقستان رەسپۋبليكاسى زاڭىنىڭ 20-بابىنا سايكەس، ەگەر ق ر زاڭدارىندا وزگەشە كوزدەلمەسە، بايلانىس وپەراتورلارى بايلانىس قىزمەتتەرىنە ارنالعان تاريفتەردى نەگىزدەلگەن شىعىنداردى نەگىزگە الا وتىرىپ دەربەس بەلگىلەيدى. كوميتەتتىڭ ورتالىق مەملەكەتتىك ورگان رەتىندە سۋبەكتىلەردىڭ ىشكى ىستەرىنە ارالاسۋعا قۇقىعى جوق ەكەنىن اتاپ وتەمىز»، - دەلىنگەن رەسمي حاتتا.

بۇعان دەيىن ۇلى بايلانىس تاريفتەرى نەگە قىمبات دەگەن تاقىرىپتا تالداۋ ماتەريالىن جاريالاعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى