مەملەكەت باسشىسىنىڭ جارلىعىمەن ءبىرقاتار ازاماتقا مەملەكەتتىك ناگرادالار تاپسىرىلدى

رەسپۋبليكا كۇنى قارساڭىندا پرەزيدەنت جارلىعىمەن ءبىر توپ ازامات مەملەكەتتىك ناگرادالارمەن ماراپاتتالدى

ۇلتتىق مەرەكە - رەسپۋبليكا كۇنى قارساڭىندا پرەزيدەنت قاسىم-جومارت توقايەۆتىڭ جارلىعىمەن ەلىمىزدىڭ الەۋمەتتىك- ەكونوميكالىق، مادەني-رۋحاني دامۋىنا، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى مەن بەلسەندى قوعامدىق قىزمەتى ءۇشىن ءبىر توپ ازامات مەملەكەتتىك ناگرادالارمەن ماراپاتتالدى. ولاردىڭ قاتارىندا ءوندىرىس، بيزنەس، ءبىلىم بەرۋ، دەنساۋلىق ساقتاۋ سالالارىنىڭ كورنەكتى وكىلدەرى، اسكەري قىزمەتشىلەر، قۇقىق قورعاۋ ورگاندارىنىڭ قىزمەتكەرلەرى، سپورتشىلار، ەڭبەك ارداگەرلەرى، مادەنيەت جانە عىلىم قايراتكەرلەرى بار.

«قازاقستاننىڭ ەڭبەك ەرى» اتاعى قازاقستان رەسپۋبليكاسىنىڭ مۇناي-گاز سالاسىن دامىتۋداعى ايرىقشا جەتىستىكتەرى، سونداي-اق قوعامدىق- ساياسي قىزمەتتەگى اسا ۇزدىك ەڭبەگى ءۇشىن مەملەكەت جانە قوعام قايراتكەرى، پارلامەنت ءماجىلىسىنىڭ دەپۋتاتى ب. ىزمۇحامبەتوۆكە، ەلىمىزدىڭ الەۋمەتتىك- گۋمانيتارلىق دامۋىنداعى اسا ۇزدىك جەتىستىكتەرى ءۇشىن سەمەي قالاسى «№7-جالپى ءبىلىم بەرەتىن ورتا مەكتەپ- ليتسەيىنىڭ مۇعالىمى ا. شۇكەجانوۆاعا جانە وندىرىستىك قىزمەتتەگى ەرەكشە ەڭبەگى ءۇشىن قىزىلوردا وبلىسى «تاڭ ل ت د» جاۋاپكەرشىلىگى شەكتەۋلى سەرىكتەستىگىنىڭ ديرەكتورى ي. شاعىرتايەۆقا بەرىلدى.

«وتان» وردەنىمەن سۋرەتشى ا. اقانايەۆ، بەلگىلى اقىن، ايتىس ونەرىنىڭ دامۋىنا ەرەكشە ەڭبەك سىڭگەن قايراتكەر ءجۇرسىن ەرمانوۆ ماراپاتتالدى.

I دارەجەلى «بارىس» وردەنى ەڭبەك ارداگەرلەرى م. ايىمبەتوۆا مەن س. تيەسوۆكە، قونايەۆ قالاسى ا. جۇبانوۆ اتىنداعى №5-ورتا مەكتەپ مۇعالىمى ن. ليگە، تەلەۆيزيا ارداگەرى ل. سەيىتوۆكە، Ⅱ دارەجەلى «بارىس» وردەنى قوعام جانە مەملەكەت قايراتكەرى ءا. بەكتايەۆقا، «KAZGOR» جوبالاۋ اكادەمياسىنىڭ ءبىرىنشى ۆيتسە-پرەزيدەنتى ت. ەراليەۆكە، ەڭبەك ارداگەرى و. راحمانبەرديەۆكە، Ⅲ دارەجەلى «بارىس» وردەنى اباي وبلىسى قوعامدىق كەڭەسىنىڭ ءتوراعاسى م. اينابەكوۆكە، ش. ءۋاليحانوۆ اتىنداعى كوكشەتاۋ ۋنيۆەرسيتەتىنىڭ كافەدرا مەڭگەرۋشىسى س. اياعانوۆقا، ەركىن كۇرەستەن ەڭبەك سىڭىرگەن سپورت شەبەرى ي. بايرامۋكوۆكە، «قازاقستان حالقىنا» قوعامدىق الەۋمەتتىك قورىنىڭ ءتوراعاسى ب. جامىشەۆكە، قوعام قايراتكەرى ءا. جولشىبەكوۆكە جانە ەڭبەك ارداگەرى س. قىرىمقۇلوۆقا تابىستالدى.

سونىمەن قاتار بەلگىلى عالىمدارعا، مادەنيەت جانە ءبىلىم قايراتكەرلەرىنە، وندىرىستىك سالا وكىلدەرىنە «پاراسات» وردەنى بەرىلدى:

ولاردىڭ قاتارىندا تالدىقورعان قالاسى «قاينار- ا ك ب» ج ش س ديرەكتورلار كەڭەسىنىڭ ءتوراعاسى ق. اجماعانبەتوۆ، «قازاق ءتىلى» حالىقارالىق قوعامىنىڭ ۆيتسە-پرەزيدەنتى ع. انەس، م. وسپانوۆ اتىنداعى باتىس قازاقستان مەديتسينا ۋنيۆەرسيتەتىنىڭ پروفەسسورى ب. جولدين، نىسانا كوزدەۋدەن ۇلتتىق قۇرامانىڭ باس جاتتىقتىرۋشىسى و. دوۆگۋن، تەمىرتاۋ قالاسىنىڭ كوپبەيىندى انا مەن بالا ورتالىعىنىڭ ديرەكتورى س. لوحۆيسكي، اتىراۋ وبلىستىق ارداگەرلەر كەڭەسىنىڭ ءتورالقا مۇشەسى م. عابدىسالىموۆا جانە ع. مۇسىرەپوۆ اتىنداعى بالالار مەن جاسوسپىرىمدەرگە ارنالعان مەملەكەتتىك اكادەميالىق قازاق تەاترىنىڭ اكتەرى ۇ. ءنۇسىپالى سەكىلدى ازاماتتار بار.

مەملەكەت باسشىسىنىڭ تاپسىرماسىمەن بيىلدان باستاپ ۇلت بىرلىگىن نىعايتۋ جانە قوعامدىق تاتۋلىقتى قامتاماسىز ەتۋ جولىنداعى جەمىستى ەڭبەگى ءۇشىن «ەل بىرلىگى» وردەنى تاعايىندالدى:

«ەل بىرلىگى» وردەنى العاش رەت قازاقستان رەسپۋبليكاسىنىڭ پرەزيدەنتى جانىنداعى مەملەكەتتىك باسقارۋ اكادەمياسىنىڭ پروفەسسورى ا. باشماكوۆقا، رەسپۋبليكالىق دۇنگەن ەتنومادەني ورتالىعى باقىلاۋ كەڭەسىنىڭ ءتوراعاسى ل. بۋلاروۆقا، رەسپۋبليكالىق تاجىك ەتنومادەني ورتالىعىنىڭ ءتوراعاسى ا. يسمايلوۆقا، قازاقستان كورەيلەرى قاۋىمداستىعى قامقورشىلىق كەڭەسىنىڭ مۇشەسى ر. كيمگە، «Deutsche Allgemeine Zeitung» رەسپۋبليكالىق نەمىس گازەتىنىڭ باس رەداكتورى و. كليمەنكوعا، «قازاقستان شەشەندەرى مەن ينگۋشتارىنىڭ «ۆايناح» قاۋىمداستىعى» زاڭدى تۇلعالار بىرلەستىگىنىڭ تەڭ ءتوراعاسى ا. مۇرادوۆقا، «دۋستليك» قازاقستان رەسپۋبليكاسى وزبەك ەتنومادەني قوعامدىق بىرلەستىكتەرىنىڭ قاۋىمداستىعى» زاڭدى تۇلعالار بىرلەستىگى ءتوراعاسىنىڭ ورىنباسارى ت. نيشانبايەۆقا تابىستالدى.

بيىلدان باستاپ قۇرمەتتى ماراپاتتار قاتارىنا «قازاقستاننىڭ حالىق جازۋشىسى» جانە «قازاقستاننىڭ حالىق ءارتىسى» اتاقتارى قوسىلدى:

ت. ابدىك ۇلى، س. ەلۋبايەۆ، ب. نۇرجەكەيەۆ، س. سماتايەۆ، ا. اشيروۆ جانە ل. شاشكوۆا «قازاقستاننىڭ حالىق جازۋشىسى» اتاعىن يەلەندى. «قازاقستاننىڭ حالىق ءارتىسى» قۇرمەتتى اتاعى ەلىمىزدىڭ كورنەكتى مادەنيەت قايراتكەرلەرى، تەاتر جانە كينو اكتەرلەرى د. احيموۆقا، م. توكاريەۆ پەن د. اقمولداعا، وپەرا انشىلەرى ش. ءابىلوۆ پەن ت. كۇزەنبايەۆقا، اتاقتى انشىلەر ر. ستامعازيەۆكە، د. قۇدايبەرگەنگە جانە كۇيشى ا. ۇلكەنبايەۆاعا بەرىلدى.

سونداي-اق «ۇلتتىق عىلىمي كارديوحيرۋرگيا ورتالىعى» ك ە ا ق دارىگەرى س. اندوسوۆا، «م. قوزىبايەۆ اتىنداعى سولتۇستىك قازاقستان ۋنيۆەرسيتەتى» ك ە ا ق پروفەسسورى ا. پلەشاكوۆ، «شىڭعا ورلەۋ» ق ق ديرەكتورى ر. سىپابەكوۆا، «ماڭعىستاۋ وبلىستىق مۇگەدەكتىك سپورت كلۋبى» ك م م اعا باپكەرى ن. قۇلىشوۆ جانە باسقا دا ازاماتتار «قۇرمەت» وردەنىمەن ماراپاتتالدى.

ونەركاسىپ، ترانسپورت، قۇرىلىس، اۋىل شارۋاشىلىعى جانە باسقا دا ماتەريالدىق ءوندىرىس سالالارىنىڭ 94 جۇمىسشىسى مەن ەڭبەككەرى Ⅲ دارەجەلى «ەڭبەك داڭقى» وردەنىن يەلەندى.

Ⅱ دارەجەلى «دوستىق» وردەنى «العا، پەتەربۋرگ» ينتەرنەت جوباسىنىڭ اۆتورى يۆان چەرۆينسكيگە بەرىلدى.

ال فۋتبولدان قازاقستان ۇلتتىق قۇراماسىنىڭ ويىنشىلارى اسحات تاعىبەرگەن، باحتيەر زاينۋتدينوۆ جانە ماكسيم سامورودوۆ «ەرەن ەڭبەگى ءۇشىن» مەدالىنە لايىق دەپ تانىلدى.

«ەرلىگى ءۇشىن» مەدالىمەن مۇرات ەسەنقابىلوۆ پەن تالعاتبەك تولەۋبايەۆ ناگرادتالدى. مۇرات ەسەنقابىلوۆ ورتەنىپ جاتقان كولىك ىشىنەن 3 ايەل مەن 5 بالانى امان الىپ قالسا، تالعاتبەك تولەۋبايەۆ ءتىلسىز جاۋدى اۋىزدىقتاۋدا ۇلكەن ەرلىك كورسەتكەن.

پارا جەڭىل اتلەتيكا سپورتشىسى، بىرنەشە رەسپۋبليكالىق سايىستاردىڭ جەڭىمپازى ايسۇلۋ سۇلەيمەنوۆاعا «شاپاعات» مەدالى تابىستالدى.

«قازاقستاننىڭ ەڭبەك سىڭىرگەن قايراتكەرى» قۇرمەتتى اتاعى عىلىم جانە مادەنيەت سالالارىنىڭ 31 كورنەكتى وكىلىنە جانە «قازاقستاننىڭ ەڭبەك سىڭىرگەن ۇستازى» قۇرمەتتى اتاعى اقمولا وبلىسى «№4 «بولاشاق» وبلىستىق مامانداندىرىلعان مەكتەپ- ليتسەي-ينتەرناتىنىڭ مۇعالىمى ءۇ. ەڭسەبايەۆاعا بەرىلدى. قازاقستان رەسپۋبليكاسىنىڭ قۇرمەت گراموتاسىمەن 143 ادام ناگرادتالدى.

اسكەري جانە قىزمەتتىك بورىشىن ۇلگىلى اتقارعانى، زاڭدىلىق پەن قۇقىقتىق ءتارتىپتى قامتاماسىز ەتۋدە، ەلدىڭ ۇلتتىق قاۋىپسىزدىگى مەن قورعانىس قابىلەتىن نىعايتۋ كەزىندە كورسەتكەن ەرلىگى مەن قاجىر- قايراتى ءۇشىن اسكەري قىزمەتشىلەر مەن

قۇقىق قورعاۋ ورگاندارىنىڭ وكىلدەرى I جانە Ⅱ دارەجەلى «داڭق» وردەندەرىمەن، Ⅱ جانە Ⅲ دارەجەلى «ايبىن» وردەندەرىمەن، «ەرلىگى ءۇشىن» جانە «جاۋىنگەرلىك ەرلىگى ءۇشىن» مەدالدارىمەن ماراپاتتالدى.

جالپى بيىلعى مەملەكەتتىك ناگرادالاردى تاعايىنداۋدا قاراپايىم ازاماتتارعا باسىمدىق بەرىلدى

اتاپ ايتقاندا، ماراپاتتالعاندار اراسىندا 298 ۇستاز بەن دەنساۋلىق ساقتاۋ سالاسىنىڭ قىزمەتكەرلەرى، 259 اۋىل شارۋاشىلىعى مامانى، 119 ەڭبەك ارداگەرى، ءوندىرىس سالاسىنىڭ 88 جۇمىسشىسى بار.

بۇل - قاراپايىم ەڭبەككەرلەردىڭ مارتەبەسىن اسىرۋعا، قوعامداعى ءقادىرىن ارتتىرۋعا باعىتتالعان ناقتى قادام.

ناگرادتالعانداردىڭ ءتىزىمى باسپا سوزدە جاريالانادى.

مەملەكەت باسشىسىنىڭ جارلىعىمەن قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى 2023 -جىلعى مەملەكەتتىك سىيلىعى «قازاقستان رەسپۋبليكاسىنىڭ اتوم- ەنەرگەتيكا سالاسىن قۇرۋعا جانە كومىرتەگى بەيتاراپتىعىنا قول جەتكىزۋ ستراتەگياسىن ىسكە اسىرۋعا ارنالعان الەمدىك دەڭگەيدەگى زەرتتەۋلەر مەن ازىرلەمەلەر» تاقىرىبى بويىنشا جۇمىسى ءۇشىن:

«قازاقستان رەسپۋبليكاسى ۇلتتىق يادرولىق ورتالىعى» ش ج ق ر م ك باس ديرەكتورى ەرلان عادىلەت ۇلى باتىربەكوۆكە؛

«قازاقستان رەسپۋبليكاسى ۇلتتىق يادرولىق ورتالىعى» ش ج ق ر م ك «اتوم ەنەرگياسى ينستيتۋتى» فيليالى ديرەكتورىنىڭ ءبىرىنشى ورنىباسارى ۆيكتور ۆلاديميروۆيچ باكلانوۆقا؛

«قازاقستان رەسپۋبليكاسى ۇلتتىق يادرولىق ورتالىعى» ش ج ق ر م ك باس ديرەكتورىنىڭ ورىنباسارى ۆلاديمير اناتوليەۆيچ ۆيتيۋككە؛

«قازاقستان رەسپۋبليكاسى ۇلتتىق يادرولىق ورتالىعى» ش ج ق ر م ك باس ينجەنەرىنىڭ ورىنباسارى دەنيس بوريسوۆيچ زارۆاعا؛

«قازاقستان رەسپۋبليكاسى ۇلتتىق يادرولىق ورتالىعى» ش ج ق ر م ك «اتوم ەنەرگياسى ينستيتۋتى» فيليالى ديرەكتورىنىڭ ماتەريالتانۋ زەرتتەۋلەرى جونىندەگى ورىنباسارى ەربولات تايتولەۋ ۇلى قويانبايەۆقا؛

«قازاقستان رەسپۋبليكاسى ۇلتتىق يادرولىق ورتالىعى» ش ج ق ر م ك باس عىلىمي قىزمەتكەرى ءماجىن قاناپيا ۇلى سقاقوۆقا؛

«قازاقستان رەسپۋبليكاسى ۇلتتىق يادرولىق ورتالىعى» ش ج ق ر م ك «اتوم ەنەرگياسى ينستيتۋتى» فيليالىنىڭ باس عىلىمي قىزمەتكەرى يرينا لاشكاروۆنا تاجىبايەۆاعا؛

«قازاقستان رەسپۋبليكاسى ۇلتتىق يادرولىق ورتالىعى» ش ج ق ر م ك «اتوم ەنەرگياسى ينستيتۋتى» فيليالىنىڭ تەرمويادرولىق زەرتتەۋلەر ءبولىمىنىڭ باسشىسى باۋىرجان جامبىل ۇلى شەكتىبايەۆقا بەرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى