مەملەكەت باسشىسى «ورتالىق ازيا -ەۋروپا وداعى» سامميتىنە قاتىسۋ ءۇشىن «كونگرەسس- ورتالىققا» كەلدى
سامارقاند. KAZINFORM - «ورتالىق ازيا - ەۋروپا وداعى» فورماتىنداعى العاشقى سامميتكە قاتىساتىن پرەزيدەنتتەر مەن شەتەلدىك دەلەگاتتار سامارقاندتاعى «كونگرەسس- ورتالىققا» كەلىپ جاتىر، دەپ حابارلايدى Kazinform اگەنتتىگىنىڭ مەنشىكتى ءتىلشىسى ءاليحان اسقار.
پرەزيدەنت قاسىم-جومارت توقايەۆتى وزبەكستان باسشىسى شاۆكات ميرزيەيەۆ قارسى الدى. بىرلەسكەن سۋرەتكە ءتۇسۋ راسىمىنەن سوڭ مەملەكەت باسشىسى سامميت وتەتىن نەگىزگى زالداعى ورنىنا جايعاستى.
ايتا كەتەيىك، كەشە پرەزيدەنت قاسىم-جومارت توقايەۆ وزبەكستانعا كەلدى. جۇمىس ساپارى اياسىندا ول ەۋروپالىق كەڭەس پرەزيدەنتى انتونيۋ كوشتا، ەۋروپالىق كوميسسيا پرەزيدەنتى ۋرسۋلا فون دەر ليايەن، ەۋروپالىق قايتا قۇرۋ جانە دامۋ بانكىنىڭ پرەزيدەنتى وديل رەنو-باسسومەن كەزدەستى.
كەيىن مەملەكەت باسشىسى وزبەكستان پرەزيدەنتى شاۆكات ميرزيەيەۆپەن جۇزدەسىپ، ەكى ەل اراسىنداعى ىنتىماقتاستىقتى تەرەڭدەتۋ مۇمكىندىگىن تالقىلدى. تاراپتار حالىقارالىق ونەركاسىپتىك كووپەراتسيا ورتالىعىن ىسكە قوسۋ جۇمىسىن جەدەلدەتۋگە ۋاعدالاستى.
بۇگىنگى سامميت اياسىندا كولىك-لوگيستيكالىق جوبالاردى بىرلەسىپ قولعا الۋ، ستراتەگيالىق شيكىزات باعىتىنداعى سەرىكتەستىك، ەكولوگيالىق تازا جانە ءتيىمدى ەنەرگيا ءوندىرۋ كوزدەرىن ەنگىزۋ مۇمكىندىكتەرى تالقىنالادى.
بۇعان دەيىن ءىس- شاراعا قاتىستى پىكىر بىلدىرگەن ەۋروپالىق كەڭەس پرەزيدەنتى انتونيۋ كوشتا «ورتالىق ازيا - ەۋروپا وداعى» ءسامميتى ءوڭىر ەلدەرى مەن ەۋروايماق مەملەكەتتەرىنىڭ ورنىقتى دامۋىنا تىرەك بولاتىن ىنتىماقتاستىق باعىتىن ايقىندايتىن الاڭ بولاتىنىن مالىمدەدى.
