مەملەكەت باسشىسى ساۋد ارابياسىنا جۇمىس ساپارىمەن باردى
استانا. KAZINFORM - مەملەكەت باسشىسى قاسىم-جومارت توقايەۆ One Water سامميتىنە قاتىسۋ ءۇشىن ساۋد ارابياسىنا جۇمىس ساپارىمەن باردى، دەپ حابارلايدى اقوردا.
حالىقارالىق فورۋم قازاقستان مەن فرانسيانىڭ توراعالىعىمەن، ساۋد ارابياسى جانە دۇنيەجۇزىلىك بانك توبىنىڭ قولداۋىمەن وتەدى.
سونىمەن قاتار پرەزيدەنت ەر-ريادتا ءبىرقاتار كەزدەسۋ وتكىزۋدى جوسپارلاپ وتىر.
ەسكە سالساق، كەشە مەملەكەت باسشىسى قاسىم-جومارت توقايەۆ ب ا ءا پرەزيدەنتى شەيح مۇحاممەد بەن زايد ءال ناحايانعا قۇتتىقتاۋ جەدەلحاتىن جولدادى.
سونىمەن قاتار Kazinform ءتىلشىسىنىڭ اراب الەمىنىڭ ساياسي ىقپالى جانە ترانسفورماتسياسىنا قاتىستى تالداۋ ماتەريالى جاريالاندى. اتالعان ماقالادا كەيىنگى 5 جىلدا اراب ەلدەرىنىڭ ساياسي ىقپالى ولاردىڭ وزگەرمەلى حالىقارالىق رەالياعا بەيىمدەلۋ قابىلەتىنىڭ ارقاسىندا ايتارلىقتاي ارتا تۇسكەنى ايتىلعان.
اۆتور
ساياگۇل جارىلقاسىن
