مەملەكەت باسشىسى قاراتال تاريحي-ولكەتانۋ مۋزەيىن ارالاپ كوردى
پرەزيدەنت اۋدان ورتالىعى - ۇشتوبە قالاسىنداعى قاراتال تاريحي-ولكەتانۋ مۋزەيىنە باردى. مۋزەي بيىل پايدالانۋعا بەرىلگەن، دەپ حابارلايدى Kazinform اقوردانىڭ باسپا ءسوز قىزمەتىنە سىلتەمە جاساپ.
جالپى اۋدانى 2520 شارشى مەتر بولاتىن قوس قاباتتى عيماراتتا ولكە تاريحىنا قاتىستى 350 گە جۋىق ەكسپونات قويىلعان.
مەملەكەت باسشىسىنا مۋزەيدەگى ارحەولوگيالىق ارتەفاكتىلەر، ەتنوگرافيالىق جادىگەرلەر كورسەتىلىپ، قاراتال اۋدانىنىڭ تاريحى جانە جازۋشى كەمەل توقايەۆ، قازاق س س ر حالىق ءارتىسى بيكەن ريموۆا، وسى وڭىردەن شىققان اقىن- جىراۋلار، ءبي-شەشەندەر مەن ەلگە ەڭبەگى سىڭگەن باسقا دا تۇلعالار تۋرالى تىڭ دەرەكتەر تانىستىرىلدى.
پرەزيدەنت مۋزەيدە جەرگىلىكتى زيالى قاۋىم وكىلدەرىمەن جۇزدەسۋ بارىسىندا مۇراجايدى ارالاپ شىققانىن جانە ونداعى جادىگەرلەردى كوبەيتۋ كەرەكتىگىن اتاپ ءوتتى. سونداي-اق قوعام دامۋى ءۇشىن مۇنداي مادەني نىسانداردىڭ قاجەت ەكەنىنە نازار اۋداردى.
قاسىم-جومارت توقايەۆ قاراتال تاريحي-ولكەتانۋ مۋزەيىن ارالاپ كورگەننەن كەيىن، قۇرمەتتى قوناقتار كىتابىنا قولتاڭبا قالدىردى.
وسىعان دەيىن مەملەكەت باسشىسىنىڭ جۇمىس ساپارىمەن جەتىسۋ وبلىسىندا جۇرگەنىن حابارلادىق.
