مەملەكەت باسشىسى قاراتال اۋدانىنداعى الەۋمەتتىك نىساندارمەن تانىستى
استانا. KAZINFORM - پرەزيدەنت قاسىم- جومارت توقايەۆتىڭ جەتىسۋ وبلىسىنا ساپارى قاراتال اۋدانىندا جالعاستى.
مەملەكەت باسشىسى ەسكەلدى بي اۋىلىندا بيىل پايدالانۋعا بەرىلگەن مادەنيەت ءۇيى مەن سپورت كەشەنىنىڭ عيماراتتارىن ارالاپ كوردى.
جەرگىلىكتى بيۋدجەت ەسەبىنەن بوي كوتەرگەن 150 ورىندىق مادەنيەت ۇيىندە كىتاپحانا، اجەلەر مەن دومبىراشىلار انسامبلدەرى، بي ۇيىرمەسى سەكىلدى ۇجىمدار ورنالاسقان.
مەملەكەت باسشىسى اۋىل كىتاپحاناسىمەن تانىستى. سونداي- اق ونەرپاز بالالارمەن جۇزدەسىپ، ەلىمىزدىڭ لايىقتى ازاماتى بولىپ وسۋىنە تىلەكتەستىك ءبىلدىردى.
پرەزيدەنت مادەنيەت ۇيىنە مۋزىكالىق جابدىقتار مەن سۋرەتشى ءا. بايانديننىڭ كارتيناسىن تارتۋ ەتتى.
بيىل وبلىستىڭ شالعاي اۋىلدارىنداعى بەس مادەنيەت ءۇيى كۇردەلى جوندەۋدەن ءوتىپ، سەگىز كلۋب جاڭادان سالىنعان.
