مەملەكەت باسشىسى ەنەرگەتيكتەردى ماراپاتتاۋ تۋرالى جارلىققا قول قويدى
استانا. KAZINFORM - قازاقستان رەسپۋبليكاسى پرەزيدەنتىنىڭ جارلىعىمەن ەنەرگەتيك كۇنى قارساڭىندا وتاندىق ەنەرگەتيكا سالاسىنداعى جەمىستى ەڭبەگى، قازاقستان رەسپۋبليكاسىنىڭ ينفراقۇرىلىمدىق دامۋىنا قوسقان ۇلەسى ءۇشىن جۇزدەن استام جۇمىسشى مەملەكەتتىك ناگرادالارمەن ماراپاتتالدى.
بۇل تۋرالى اقوردانىڭ باسپا ءسوز قىزمەتى حابارلادى.
اتاپ ايتقاندا، 1 ازامات «پاراسات» وردەنىنىڭ جانە 19 ەنەرگەتيك «قۇرمەت» وردەنىنىڭ كاۆالەرى اتاندى، 36 جۇمىسشى Ⅲ دارەجەلى «ەڭبەك داڭقى» وردەنىمەن ناگرادتالدى، 56 مامان «ەرەن ەڭبەگى ءۇشىن» مەدالىنىڭ يەگەرى بولدى.
وسىعان دەيىن مەملەكەت باسشىسى قاراتال اۋدانىنداعى الەۋمەتتىك نىساندارمەن تانىستى.
