مەملەكەت باسشىسى نەپال پرەزيدەنتىنە كوڭىل ايتۋ جەدەلحاتىن جولدادى
مەملەكەت باسشىسى نەپال پرەزيدەنتى رام چاندرا پاۋدەلگە كوڭىل ايتۋ جەدەلحاتىن جولدادى، دەپ حابارلايدى Kazinform.
پرەزيدەنت قاسىم- جومارت توقايەۆ نەپالدىڭ باتىس بولىگىندە بولعان جويقىن جەر سىلكىنىسى كەزىندە كوپتەگەن ادامنىڭ قازا تابۋىنا بايلانىستى نەپال پرەزيدەنتىنە جانە حالقىنا كوڭىل ايتتى.
«نەپالدا بولعان جويقىن جەر سىلكىنىسى سالدارىنان كوپتەگەن ادامنىڭ قازا تاپقانى جانە زارداپ شەككەنى تۋرالى سۋىت حاباردى تەرەڭ كۇيزەلىسپەن قابىلدادىم. وسىنداي اۋىر ساتتە سىزگە جانە جاقىندارىنان ايىرىلعان وتباسىلارعا قازاقستان حالقى مەن جەكە ءوزىمنىڭ اتىمنان قايعىرا كوڭىل ايتامىن. تابيعي اپاتتان جاراقات العانداردىڭ تەز ارادا ساۋىعىپ، ءىز- ءتۇزسىز جوعالعان ازاماتتاردىڭ وتباسىلارىنا ورالۋىن تىلەيمىن»، - دەپ جازىلعان جەدەلحاتتا.
