مەملەكەت باسشىسى ۇلىتاۋ وبلىسىندا كەنشىلەردىڭ قازا تابۋىنا بايلانىستى كوڭىل ايتتى
استانا. KAZINFORM - پرەزيدەنت قاسىم-جومارت توقايەۆ «قازاقمىس» كورپوراتسياسىنىڭ ۇلىتاۋ وبلىسىنداعى كەنىشىندە تاۋ ماسساسىنىڭ قۇلاۋى سالدارىنان قازا بولعان جۇمىسشىلاردىڭ تۋعان-تۋىستارى مەن جاقىندارىنا كوڭىل ايتۋ جەدەلحاتىن جولدادى.
مەملەكەت باسشىسى ۇكىمەتكە توتەنشە جاعدايدىڭ ءمان-جايىن مۇقيات تەكسەرۋ جونىندە مىندەت جۇكتەدى.
سالالىق ۆەدومستۆولار مەن ءوڭىر اكىمدىگىنە مارقۇمداردىڭ وتباسىلارىنا بارلىق قاجەتتى كومەك كورسەتۋ تۋرالى تاپسىرما بەرىلدى.
وسىعان دەيىن ۇلىتاۋ وبلىسىنداعى شاحتادا اپات بولىپ، 7 ادام توتەنشە جاعدايدا قالعانى تۋرالى جازدىق.
رەسمي دەرەككە قاراعاندا، شاحتادا تاۋ ماسساسى قۇلاعان.
كەيىنىرەك «جومارت» كەنىشىندە جەتىنشى جۇمىسشىنىڭ دەنەسى تابىلدى.
ق ر توتەنشە جاعدايلار مينيسترلىگى باسپا ءسوز قىزمەتىنىڭ حابارلاۋىنشا، قايتىس بولعان جەتى جۇمىسشىنىڭ دەنەسى جوعارىعا كوتەرىلىپ، سوت- مەديتسينالىق ساراپتاما جۇرگىزۋ ءۇشىن پوليتسيا قىزمەتكەرلەرىنە تاپسىرىلدى.
