مەملەكەت باسشىسى ەلدى مەكەنگە تاريحي تۇلعالاردىڭ اتىن بەرۋ تۋرالى: وسىمەن توقتايىق

- ەل تاريحىندا ايرىقشا ءرول اتقارعان ايگىلى بابالارىمىزدىڭ ەسىمى كوپتەگەن ەلدى مەكەن مەن كوشەلەرگە بەرىلگەن. ەندى وسىمەن توقتايىق. وتكەن زامان قايراتكەرلەرىنىڭ اتىن ەل جادىندا ساقتاۋ ماسەلەسىنە مەيلىنشە سالماقتى كوزقاراسپەن قاراعان ءجون. قالالار مەن كوشەلەردىڭ اتاۋىنان حالقىمىزدىڭ ءتول تاريحى كورىنىس تابۋى قاجەت، - دەدى قاسىم- جومارت توقايەۆ.

مەملەكەت باسشىسىنىڭ ايتۋىنا قاراعاندا، ادەمى جەر-سۋ اتاۋلارىن جانە حالىق ىشىندە كەڭ تارالعان ءداستۇرلى اتاۋلار تولىق پايدالانىلماي جاتىر.

- ءبىراق اۋىل-ايماقتاردىڭ تاريحي تۇرعىدان ەسكىرگەن اتاۋلارىن وزگەرتۋ ماسەلەسىنە مۇقيات قاراعان ءجون. بۇل جەردە ەشقانداي ناۋقانشىلدىق بولماۋى كەرەك. حالىق اراسىندا جان-جاقتى ءتۇسىندىرۋ جۇمىسىن جۇرگىزىپ، تۇرعىنداردىڭ پىكىرىن ەسكەرۋ ماڭىزدى، - دەدى پرەزيدەنت.

ايتا كەتۋ كەرەك، قۇرىلتايدىڭ پانەلدىك سەسسيالارى كەشە باستالعان. ول سەكسيالاردىڭ تاقىرىپتارى ازاماتتىق قوعام، مادەنيەت، ونەر، رۋحانيات، ءبىلىم جانە عىلىم، الەۋمەتتىك-ەكونوميكالىق دامۋ ماسەلەلەرىن قامتىدى.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى