مەملەكەت باسشىسى: ل گ ب ت كوپتەگەن ەلگە ونداعان جىل بويى كۇشپەن تاڭىلىپ كەلدى

- جاھاندانۋ ۇدەرىسىنىڭ ءمان-ماڭىزى جوعالىپ بارادى. مەملەكەتتىك ۇلتشىلدىق، ىقپال جۇرگىزەتىن اۋماقتاردى بولىسكە سالۋ، الەمدىك ساياساتتا ايماقتارعا ءبولىنۋ ءۇردىسى الدىڭعى قاتارعا شىقتى.

دەموكراتيالىق مورالدىق دەلىنىپ جۇرگەن قۇندىلىقتار، ونىڭ ىشىندە ل گ ب ت كوپتەگەن ەلگە ونداعان جىل بويى كۇشپەن تاڭىلىپ، سونىڭ جەلەۋىمەن حالىقارالىق ۇكىمەتتىك ەمەس ۇيىمدار مەن قورلار ارقىلى مەملەكەتتەردىڭ ىشكى ىسىنە اشىق ارالاسۋ بەلەڭ الدى. ونىڭ تۇپكى ماقساتى بار بولعانى ۇرلىق، ياعني سان ميللياردتىق بيۋدجەتتى قالتاعا باسۋ ەكەن، - دەدى پرەزيدەنت.

مەملەكەت باسشىسى اقش باسشىلىعىنىڭ جاھاندىق اۋقىمدا اسەرى بار كەيبىر باستامالارى قولداۋ لايىق ەكەنىن ايتادى.

- «دامۋ مەن دەموكراتيا»، «ادام قۇقىقتارى»، «باسپا ءسوز بوستاندىعى»، «سىبايلاس جەمقورلىققا قارسى كۇرەس» دەپ ۇرانداتىپ جۇرگەندەردىڭ ءبارىنىڭ دەرلىك جەكە بايلىعى جالاقىسىنىڭ مولشەرىنە ەش ساي كەلمەيدى. سوندىقتان پرەزيدەنت ترامپ باستاعان امەريكا اكىمشىلىگىنىڭ جاپپاي قىزمەت بابىن اسىرا پايدالانۋعا قاتىستى وقيعالاردى انىقتاۋعا جانە «تۇڭعيىق مەملەكەت» ۇعىمىنا ءتان ساياسي ەكىجۇزدىلىكتى اشكەرەلەۋگە، ءداستۇرلى مورالدىق قۇندىلىقتاردى قالپىنا كەلتىرۋگە باعىتتالعان جۇمىستارى قولداۋعا لايىق، - دەدى قاسىم-جومارت توقايەۆ.

ايتا كەتۋ كەرەك، قۇرىلتايدىڭ پانەلدىك سەسسيالارى كەشە باستالعان. ول سەكتسيالاردىڭ تاقىرىپتارى ازاماتتىق قوعام، مادەنيەت، ونەر، رۋحانيات، ءبىلىم جانە عىلىم، الەۋمەتتىك-ەكونوميكالىق دامۋ ماسەلەلەرىن قامتىدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى