مەملەكەت باسشىسى جوعارى اۋديتورلىق پالاتانىڭ ءتوراعاسى ءاليحان سمايىلوۆتى قابىلدادى
استانا. KAZINFORM - كەزدەسۋ بارىسىندا مەملەكەتتىك اۋديت جانە قارجىلىق باقىلاۋ جۇيەسىنىڭ تيىمدىلىگىن ودان ءارى ارتتىرۋ ماسەلەلەرى تالقىلاندى. بۇل تۋرالى اقوردانىڭ باسپا ءسوز قىزمەتى ءمالىم ەتتى.
پرەزيدەنت جوعارى اۋديتورلىق پالاتاعا بيۋدجەت قاراجاتى مەن مەملەكەت اكتيۆتەرىنىڭ ءتيىمدى جانە راتسيونالدى جۇمسالۋىن رەسپۋبليكالىق، سونداي- اق جەرگىلىكتى دەڭگەيدە قاتاڭ باقىلاۋدى قامتاماسىز ەتۋ مىندەتى جۇكتەلەتىنىن ايتتى.
ءاليحان سمايىلوۆ مەملەكەتتىك اۋديت جۇيەسىن ودان ءارى دامىتۋ جونىندەگى وي-پىكىرىن جەتكىزدى، سونداي-اق ۆەدومستۆونىڭ وسى جىلعا ارنالعان جوسپارى تۋرالى باياندادى.
قاسىم-جومارت توقايەۆ ءاليحان سمايىلوۆتىڭ مول تاجىريبەسى مەن كاسىبي بىلىكتىلىگى جۇكتەلگەن مىندەتتى ساپالى ورىنداۋعا سەپتىگىن تيگىزەتىنىنە سەنىم ءبىلدىردى.
اۆتور
باقىتگۇل اباي قىزى
