مەملەكەت باسشىسى بەلگىلى ەكونوميست، قوعام قايراتكەرى ورازالى سابدەندى قابىلدادى
استانا. KAZINFORM -كەزدەسۋدە ەلىمىزدىڭ ەكونوميكالىق دامۋ پەرسپەكتيۆالارى جان- جاقتى تالقىلاندى - دەپ حابارلايدى اقوردانىڭ باسپا ءسوز قىزمەتى.
بۇل ورايدا ەل ەكونوميكاسىن ءارتاراپتاندىرۋ، وندىرىستىك الەۋەتتى ارتتىرۋ، شاعىن جانە ورتا بيزنەس پەن اۋىل شارۋاشىلىعىن دامىتۋ ماسەلەلەرىنە باسا نازار اۋدارىلدى. كوزدەلگەن ماقساتتارعا قول جەتكىزۋ ءۇشىن اتالعان سالالاردى سيفرلاندىرۋ ايرىقشا ماڭىزدى. سونىمەن قاتار الەۋمەتتىك يننوۆاتسيا ارقىلى حالىقتىڭ تۇرمىس ساپاسىن جاقسارتۋ جولدارى قاراستىرىلدى.
پرەزيدەنت بىلتىر جوعارى ءبىلىمدى جانە عىلىمدى دامىتۋدىڭ 2029 -جىلعا دەيىنگى تۇجىرىمداماسى قابىلدانعانىن اتاپ ءوتىپ، مەملەكەتتىڭ اتالعان سالالارعا باسا ءمان بەرەتىنىن ايتتى.
مەملەكەت باسشىسى عىلىم اكادەمياسىنىڭ جاي- كۇيىن ءاردايىم ءجىتى نازارىندا ۇستايتىنىن جەتكىزدى. سونداي- اق ءبىلىمدى، الەمدىك ءۇردىستى جەتىك بىلەتىن جاستارعا قولداۋ كورسەتىلە بەرەتىنىنە نازار اۋداردى.
ورازالى سابدەن عىلىم سالاسىن دامىتۋعا قاتىستى ۇسىنىستارىمەن ءبولىستى.
