مەملەكەت باسشىسى اسكەري قىزمەتكە شاقىرۋ تۋرالى جارلىققا قول قويدى

- «قازاقستان رەسپۋبليكاسىنىڭ قورعانىسى جانە قارۋلى كۇشتەرى تۋرالى» قازاقستان رەسپۋبليكاسى زاڭىنىڭ 5-بابى 2-تارماعىنىڭ 11) تارماقشاسىنا جانە «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» قازاقستان رەسپۋبليكاسى زاڭىنىڭ 31-بابىنا سايكەس قاۋلى ەتەمىن:

1. اسكەري قىزمەتتىڭ بەلگىلەنگەن مەرزىمىن وتكەرگەن مەرزىمدى اسكەري قىزمەتتەگى اسكەري قىزمەتشىلەر 2025 -جىلدىڭ ناۋرىز - ماۋسىمىندا جانە قىركۇيەك -جەلتوقسانىندا ق ر قارۋلى كۇشتەرى، ق ر ىشكى ىستەر مينيسترلىگى، ق ر توتەنشە جاعدايلار مينيسترلىگى، ق ر ۇلتتىق قاۋىپسىزدىك كوميتەتى، ق ر مەملەكەتتىك كۇزەت قىزمەتى قاتارىنان زاپاسقا شىعارىلسىن.

2. اسكەرگە شاقىرۋدى كەيىنگە قالدىرۋعا نەمەسە ودان بوساتىلۋعا قۇقىعى جوق 18 جاستان جيىرما 27 جاسقا دەيىنگى ەر ازاماتتار 2025 -جىلدىڭ ناۋرىز - ماۋسىمىندا جانە قىركۇيەك - جەلتوقسانىندا ق ر قارۋلى كۇشتەرىنە، ق ر ىشكى ىستەر مينيسترلىگىنە، ق ر توتەنشە جاعدايلار مينيسترلىگىنە، ق ر ۇلتتىق قاۋىپسىزدىك كوميتەتىنە، ق ر مەملەكەتتىك كۇزەت قىزمەتىنە مەرزىمدى اسكەري قىزمەتكە شاقىرىلسىن.

3. جەرگىلىكتى اتقارۋشى ورگاندار ءتيىستى جەرگىلىكتى اسكەري باسقارۋ ورگاندارى ارقىلى 2025 -جىلدىڭ ناۋرىز - ماۋسىمىندا جانە قىركۇيەك - جەلتوقسانىندا ازاماتتاردى مەرزىمدى اسكەري قىزمەتكە شاقىرۋدى جۇرگىزۋدى ۇيىمداستىرسىن جانە قامتاماسىز ەتسىن، - دەلىنگەن پرەزيدەنت جارلىعىندا.

ق ر ۇكىمەتى، ق ر ۇلتتىق قاۋىپسىزدىك كوميتەتى، ق ر مەملەكەتتىك كۇزەت قىزمەتى مەرزىمدى اسكەري قىزمەتتى وتكەرۋ ءۇشىن ق ر قارۋلى كۇشتەرىنە، ق ر ىشكى ىستەر مينيسترلىگىنە، ق ر توتەنشە جاعدايلار مينيسترلىگىنە، ق ر ۇلتتىق قاۋىپسىزدىك كوميتەتىنە، ق ر مەملەكەتتىك كۇزەت قىزمەتىنە اسكەرگە شاقىرىلعان قازاقستان رەسپۋبليكاسىنىڭ ازاماتتارىن جونەلتۋدى جانە مەرزىمدى اسكەري قىزمەتتىڭ بەلگىلەنگەن مەرزىمدەرىن وتكەرگەن اسكەري قىزمەتشىلەردى شىعارۋدى قارجىلاي جانە ماتەريالدىق جاعىنان قامتاماسىز ەتۋدى ۇيىمداستىرادى.

ايتا كەتەيىك، وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

بۇعان دەيىن پرەزيدەنت «قازاقستان رەسپۋبليكاسىنىڭ كەيبىر زاڭنامالىق اكتىلەرىنە بايلانىس قىزمەتتەرىن كورسەتۋ، مەملەكەتتىك ساتىپ الۋ، كولىك جانە پوشتا ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويعانىن حابارلاعان ەدىك.

اۆتور

اينۇر تۋماكبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى