مەملەكەت باسشىسى «التىنەمەل» مەموريالدى مۋزەيىنە باردى
پرەزيدەنتكە شوقان ءۋاليحانوۆتىڭ ءومىرى مەن ەڭبەك جولى، اسكەري قىزمەتى، تاريحي- ەتنوگرافيالىق، گەورافيالىق زەرتتەۋلەرى جانە عۇمىرىنىڭ سوڭعى كەزەڭى تۋرالى تاريحي دەرەكتەر مەن جادىگەرلەر تانىستىرىلدى، دەپ حابارلايدى Kazinform.
قاسىم- جومارت توقايەۆ شوقان ءۋاليحانوۆ جايلى جازىلعان ەڭبەكتەردىڭ ءبارىن وقىپ شىققانىن ەسكە الىپ، ونىڭ زەرتتەۋ جۇمىستارىمەن تانىس ەكەنىن ايتتى.
سونىمەن قاتار پرەزيدەنت مۋزەيدەگى جادىگەرلەردى ءالى دە تولىقتىرا ءتۇسۋ كەرەك ەكەنىنە نازار اۋداردى.
پرەزيدەنت قۇرمەتتى قوناقتار كىتابىنا قولتاڭباسىن قالدىرىپ، مۋزەي قىزمەتكەرلەرىمەن اڭگىمەلەستى.
بىلتىر مەملەكەت باسشىسىنىڭ تاپسىرماسى بويىنشا مۋزەيگە جانە وسى مادەني- تۋريستىك نىسانعا باراتىن جولعا جوندەۋ جۇمىستارى جۇرگىزىلگەن بولاتىن.
