ەممانيۋەل ماكرون قاراعاندى وبلىسىندا قازا تاپقان شاحتەرلەردىڭ تۋىستارىنا كوڭىل ايتتى
فرانسيا پرەزيدەنتى ەممانيۋەل ماكرون مەملەكەت باسشىسى قاسىم-جومارت توقايەۆپەن اقورداداعى كەزدەسۋ كەزىندە قاراعاندى وبلىسىندا قازا بولعان شاحتەرلەردىڭ وتباسىنا كوڭىل ايتتى، دەپ حابارلايدى Kazinform.
«كوپ راقمەت، پرەزيدەنت مىرزا، حانىمدار مەن مىرزالار، قۇرمەتتى مينيسترلەر، ەلشى مىرزالار. ءبىرىنشى كەزەكتە، پرەزيدەنت مىرزا، جىلى لەبىزىڭىزگە، مەنى جانە دەلەگاتسيانى شاقىرعانىڭىزعا راقمەت. تاعى دا ءوز حالقىمنىڭ اتىنان بىرنەشە كۇن بۇرىن قاراعاندىدا بولعان تراگەديا ءبىزدى دە قاتتى قاپالاندىرعانىن ايتقىم كەلەدى. قارا جامىلىپ وتىرعان وتباسىلارعا تاعى دا كوڭىل ايتقىم كەلەدى»، - دەدى ەممانۋەل ماكرون.
ەسكە سالايىق، فرانسيا پرەزيدەنتى ەممانيۋەل ماكرون رەسمي ساپارمەن قازاقستانعا كەلدى.
قاسىم-جومارت توقايەۆ اقوردادا فرانسيا پرەزيدەنتى ەممانيۋەل ماكروندى قارسى الدى.
قازاقستان مەن فرانتسيا پرەزيدەنتتەرى شاعىن قۇرامدا كەلىسسوز جۇرگىزدى.
ماكرون بۇل ساپار ەكىجاقتى سەرىكتەستىك ءۇشىن ماڭىزدى جىلمەن تۇسپا-تۇس كەلىپ وتىرعانىن ايتتى.
قازاقستان پرەزيدەنتى ءوز سوزىندە فرانسيا - قازاقستاننىڭ ەۋروپاداعى وتە ماڭىزدى سەرىكتەسى ەكەنىن اتاپ ءوتتى.
سونداي-اق، پرەزيدەنت كەزدەسۋ كەزىندە ءبىلىم جانە عىلىم سالاسىنداعى جوبالاردى قولعا الۋعا ەرەكشە كوڭىل بولىنگەنىن جەتكىزدى.
ەممانيۋەل ماكرون قازاق مەكتەپتەرىنە فرانسۋز ءتىلىن وقىتۋ تاجىريبەسى قايتا ورالعانى ماڭىزدى ەكەنىن جەتكىزدى.
مەملەكەت باسشىسى قاسىم-جومارت توقايەۆ الەمدەگى ءتۇرلى ساياسي شيەلەنىستەر مەن ەكونوميكالىق داعدارىستار ەلدى الاڭداتىپ وتىرعانىنا توقتالدى.
فرانسيا پرەزيدەنتى مەملەكەتتەر اراسىنداعى قارىم-قاتىناستىڭ فرانسيالىق ۇلگىسى تۋرالى ايتتى.
قاسىم-جومارت توقايەۆ پەن ەممانيۋەل ماكرون ەكى مەملەكەتتىڭ رەسمي دەلەگاتسيالارىنىڭ قاتىسۋىمەن كەڭەيتىلگەن قۇرامدا كەلىسسوز جۇرگىزدى.
مەملەكەت باسشىلارىنىڭ كەزدەسۋىنەن كەيىنگى قوس ەلدىڭ قارىم-قاتىناسى قاي باعىتتا دامۋى مۇمكىن؟
ايتا كەتۋ كەرەك، قازاقستان پرەزيدەنتى قاسىم-جومارت توقايەۆتىڭ فرانسياعا بىلتىر جاساعان رەسمي ساپارى اياسىندا 35 قۇجاتقا قول قويىلعان بولاتىن.
