مەكتەپتەردە «دوسبولlike» ناۋقانى وتكىزىلەدى
استانا. KAZINFORM - قازاقستاننىڭ 8 وڭىرىندە مەكتەپتەگى وڭ قارىم- قاتىناستاردى قالىپتاستىرۋ ءۇشىن «دوسبولlike» ناۋقانى وتكىزىلەدى.
بۇل تۋرالى ق ر وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ ءتوراعاسى ناسىمجان وسپانوۆا ايتىپ بەردى.
سپيكەر ءبىلىم بەرۋ ۇيىمىنداعى قاۋىپسىز ورتا تەك تەحنيكالىق قۇرالدارمەن عانا شەكتەلمەيتىنىن، بالانىڭ ەموتسيونالدىق ءال- اۋقاتىن دا قامتيتىنىن اتاپ ءوتتى.
«دوستىق، قامقورلىق جانە ءوزارا سىيلاستىق داعدىلارى ارقىلى مەكتەپتە وڭ قارىم- قاتىناستاردى قالىپتاستىرۋ ءۇشىن «دوسبولlike» ناۋقانى وتكىزىلەدى. ونىڭ جالعاسى ەلىمىزدىڭ 8 ءوڭىرىنىڭ 50 مەكتەبىندە «دوسبولlike» بۋللينگكە قارسى باعدارلاماسىن پيلوتتاۋ بولماق. اتالعان باعدارلاما ءبىلىم الۋشىلاردىڭ جانجالدارعا سىندارلى ارەكەت ەتۋ داعدىلارىن قالىپتاستىرۋعا، بالالاردىڭ الەۋمەتتىك- ەموتسيونالدىق داعدىلارىن دامىتۋعا، تۇلعاارالىق جانە توپارالىق قاتىناستاردى وڭتايلاندىرۋعا، بالالاردىڭ سۋبەكتيۆتى ءال- اۋقاتى دەڭگەيىن ارتتىرۋعا باعىتتالعان»، - دەدى ن. وسپانوۆا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
باعدارلاما بيىلعى ناۋرىز ايىندا پيلوتتىق رەجيمدە باستالادى، سودان كەيىن بۇكىل ەل اۋماعىنا كەڭەيتۋ جوسپارلانۋدا.
سونداي- اق، پرەزيدەنت تاپسىرمالارى اياسىندا وقۋ-اعارتۋ جانە عىلىم جانە جوعارى ءبىلىم مينيسترلىكتەرى «مەنىڭ باۋىرىم» ۆولونتەرلىك جوباسىن باستادى. بۇل جوبادا بالالار دۇرىس قارىم- قاتىناس ورناتۋدى، ءارتۇرلى جاعدايلاردى شەشۋ ءۇشىن دوستىق ءتىلىن تابىسۋدى ۇيرەنەدى.
اۆتور
ايجان سەرىكجان قىزى
