مەكسيكا تۇرمەسىندەگى قارۋلى نارازىلىق كەزىندە جەتى ادام كوز جۇمدى

ەكى سوتتالۋشىنى باسقا تۇرمەگە اۋىستىرۋعا تۇتقىندار قارسى بولعانى اتاپ ءوتىلدى. سوندىقتان ولار جيھازدار مەن قوقىستاردى ورتەگەن، كەيىن تۇرمە قىزمەتكەرلەرىنە قاراي وق جاۋدىرعان.

وسىلايشا بۇلىك قارۋلى قاقتىعىسقا جالعاسىپ، وقيعا سالدارىنان جەتى ادام قازا تاۋىپ، تاعى 10 ادام جاراقات العان. زارداپ شەككەندەردىڭ اراسىندا ءتورت پوليتسيا قىزمەتكەرى بار.

تۇتقىندار مەن پوليتسيا اراسىنداعى قاقتىعىس بىرنەشە ساعاتقا سوزىلدى.

وپەراتسيا ناتيجەسىندە پوليتسەيلەر تۇتقىنداردان ءبىر مىلتىق، بەس تاپانشا، گراناتا، 23 ماچەتە، 14 پىشاق، سونداي-اق قولدان جاسالعان قارۋلار، وق-دارىلەر، راديوقابىلداعىشتار، ۇيالى تەلەفوندار مەن ەسىرتكى زاتتارىن تاركىلەگەن.

ايتا كەتەيىك، جەلتوقسان ايى باسىندا مەكسيكانىڭ سولتۇستىگىندە ءدامحاناعا قارۋلى شابۋىل جاسالىپ، 9 ادام قازا تاپقان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى