مەككەگە باراتىندارعا جاڭا تالاپ قويىلماق: بۇل تۋرالى نە بەلگىلى؟
استانا. قازاقپارات - 2025-جىلعى 10-اقپاننان باستاپ ساۋد ارابياسى بارلىق شەتەلدىككە، سونىڭ ىشىندە قاجىلىققا بارعىسى كەلەتىن قازاقستاندىقتارعا مەنينگوكوكك ينفەكسياسىنا قارسى مىندەتتى ۆاكسيناتسيا ەنگىزىپ وتىر.
جاڭا ەرەجەلەر ارنايى ۋمرا ۆيزاسىنىڭ يەلەرىنە دە، ۆيزانىڭ باسقا تۇرلەرىنە يە تۋريستەرگە دە قاتىستى.
ۆاكسيناتسياعا قانداي تالاپتار قويىلادى؟
جاڭا تالاپتارعا سايكەس قاجىلاردا مىنا ۆاكسيناتسيا سەرتيفيكاتتارىنىڭ ءبىرى بولۋى كەرەك:
كەيىنگى ءۇش جىلدا جانە كەلگەنگە دەيىن كەمىندە 10 كۇن بۇرىن جاسالعان ءتورت ۆالەنتتى (ACYW-135) پوليساحاريد ۆاكسيناسى؛
كەيىنگى بەس جىل ىشىندە نەمەسە كەلگەنگە دەيىن كەمىندە 10 كۇن بۇرىن الىنعان ءتورت ۆالەنتتى (ACYW-135) كونيۋگاتسيالانعان ۆاكسينا.
قاجىلار ەندى نە ىستەۋى كەرەك؟
جەكە مەديتسينالىق ورتالىقتاردا ۆاكسيناتسياعا الدىن الا جازىلۋ ۇسىنىلادى.
سەرتيفيكات ساۋد ارابياسىنىڭ تالاپتارىنا سايكەس كەلەتىنىنە كوز جەتكىزىڭىز (ACYW-135 ۆاكسيناسى بولۋى قاجەت جانە مەرزىمدەردى ساقتاۋ كەرەك).
قوسىمشا اقپارات الۋ ءۇشىن ساۋد ارابياسىنىڭ دەنساۋلىق ساقتاۋ مينيسترلىگىنىڭ سايتىن قاراۋعا بولادى.
ايتا كەتەيىك، مەنينگوكوكك ينفەكسياسى - قاۋىپتى اۋرۋ، ول اۋا تامشىلارى ارقىلى تارالادى جانە مۇگەدەكتىككە دەيىنگى اۋىر اسقىنۋعا اكەپ سوعادى. قاجىلىق كەزىندە كوپ ادام جينالعان ۋاقىتتا ينفەكسيا قاۋپى ەداۋىر ارتادى.
ەسكە سالايىق، بۇعان دەيىن ورازاعا 24 كۇن قالعانى جانە اۋىز بەكىتكەن كەزدە قانداي سپورتپەن اينالىسقان ءجون ەكەنى ايتىلدى.
