الماتىدا «Microsoft» جالعان ءونىمىنىڭ جەتكىزۋشىلەرى ۇستالدى
قىلمىسكەرلەر تۇتىنۋ تاۋارلارىن دا، ينتەرنەت قوسىمشالارى مەن باعدارلامالىق ونىمدەردى دە قولدان جاساۋمەن اينالىسادى، دەپ حابارلايدى قازاقپارات ق ر قما باسپا ءسوز قىزمەتىنە سىلتەمە جاساپ.
قارجىلىق مونيتورينگ اگەنتتىگىنىڭ الماتى قالاسى بويىنشا اۋماقتىق دەپارتامەنتى «Microsoft» ليسەنزياسى جوق باعدارلامالىق جاساقتاماسىن ساتۋ ارناسىنىڭ جولىن كەستى 6 جەدەل- تەرگەۋ ءىس- شارالارى بارىسىندا زيانكەستەر ءبىرقاتار جالعان كومپانيالاردى پايدالانا وتىرىپ، «Microsoft» كومپانياسىنىڭ ءونىمىن جەتكىزۋگە ەڭ تومەن باعا ۇسىنىسىمەن مەملەكەتتىك ساتىپ الۋعا قاتىسقاندىعى انىقتالدى. كونكۋرستىق ىرىكتەۋ قورىتىندىلارى بويىنشا ولار جەڭىمپاز دەپ تانىلىپ، جالپى سوماسى 50 ميلليون تەڭگەدەن استام ءبىرقاتار مەملەكەتتىك كاسىپورىندار مەن مەكەمەلەردىڭ اتىنا رەسمي باعدارلامالىق جاساقتاما تۇرىندە جالعان ىسكە قوسۋ كىلتتەرى بار «Microsoft Office Professional» ليتسەنزياسى جوق باعدارلامالىق جاساقتاماسىن جەتكىزگەن.
قازىرگى ۋاقىتتا الماتى قالاسىنىڭ تەرگەۋ سوتى ءۇش تۇلعاعا قاتىستى 2 اي مەرزىمگە قاماۋدا ۇستاۋ تۇرىندەگى بۇلتارتپاۋ شاراسىن سانكتسيالادى. وزگە اقپارات تەرگەۋ مۇددەسىنە وراي جاريا ەتىلمەيدى.
