مۇحتار جاكىشەۆ ءماسىموۆتىڭ ءزاۋلىم سارايىن اۋكسيونسىز ساتىپ الا ما - وكىلەتتى كومپانيا جاۋاپ بەردى

- الەۋمەتتىك جەلىدە قايتارىلعان اكتيۆتەردىڭ ءبىرىنىڭ اۋكسيون وتكىزىلمەي ساتىلاتىندىعى، ءتىپتى ساتىپ الۋشىنىڭ دا بار ەكەندىگى تۋرالى اقپارات تارادى. بۇل شىندىققا جاناسپايدى. بارلىق اكتيۆ اكتيۆتەردى باسقارۋ ەرەجەسىن قاتاڭ ساقتاي وتىرىپ، تەك «e-Qazyna» مەملەكەتتىك پورتالىندا عانا ساتىلادى، - دەپ اتاپ ءوتتى اتالعان كومپانيانىڭ باسپا ءسوز قىزمەتىنەن.

ايتا كەتەيىك، ۇلتتىق قاۋىپسىزدىك كوميتەتىنىڭ ءتوراعاسى بولعان كارىم ماسىموۆكە تيەسىلى باستاپقى باعاسى 1,8 ميلليارد تەڭگە بولاتىن ءۇي 25-اقپاندا ساۋداعا شىعارىلدى.

الايدا سول كەزدە ساتىپ الۋشى تابىلمادى. سوندىقتان 12-ناۋرىزدا قايتا ساتىلىمعا شىعارىلعان ەدى.

ەسكە سالايىق، ۇ ق ك بۇرىنعى ءتوراعاسى كارىم ءماسىموۆ 2022-جىلى 8-قاڭتاردا ۇستالدى.

ۇ ق ك تاراتقان مالىمەت بويىنشا، ءماسىموۆتىڭ پرەمەر-مينيستر لاۋازىمىندا بولۋى كەزەڭىندە بيزنەس-قۇرىلىمنىڭ بىرىنەن استانادا قۇنى 2,5 ميلليارد تەڭگە ەليتالىق تۇرعىن ءۇي مەن جەر تەلىمىن الۋ فاكتىسى بويىنشا تەرگەۋ جۇرگىزىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى