مەدساقتاندىرۋ قورى توپ-مەنەدجمەنتى شىن مانىندە قانشا سىياقى العان: مينيستر جاۋابى

«بۇل اقپارات شىندىققا جاناسپايدى. بىلتىر قوردا ەشقانداي بونۋس قاراستىرىلماعان ەدى. سوندىقتان وسى بويىنشا جالعان مالىمەت بەرىلگەن. 98 ميلليون تەڭگە قورداعى توپ-مەنەدجمەنتتىڭ جالاقىسىنا، ەڭبەك دەمالىسىنا، ەم-دوم جاردەماقىسىنا بولىنگەن. 2022 -جىلى ولار بونۋس الماعىنان رەسمي تۇردە مالىمدەيمىن»، - دەدى ا. عينيات ماجىلىستە تىلشىلەر سۇراعىنا جاۋاپ بەرە وتىرىپ.

مينيستر بونۋس بولمەۋ باعىتىندا ديرەكتورلار كەڭەسى ءتيىستى شەشىم جاساعانىن ايتتى.

«ءارقايسىسى جىلىنا 600 مىڭ تەڭگەگە دەيىن سىياقى العان. ءتيىستى نورماعا سايكەس، ولارعا بەرىلەتىن سىياقى 600 مىڭ تەڭگەدەن اسپاۋى ءتيىس. اتاپ ايتقاندا، مەديتسينا قىزمەتكەرلەرى كۇنىندە 300 مىڭ تەڭگەدەن جانە رەسپۋبليكا كۇنىندە 300 مىڭ تەڭگەدەن العان»، - دەدى ۆەدومستۆو باسشىسى.

بۇدان بۇرىن حابارلانعانداي، «الەۋمەتتىك مەديتسينالىق ساقتاندىرۋ قورى» كوممەرتسيالىق ەمەس اكسيونەرلىك قوعامى ءوزىنىڭ رەسمي سايتىندا 2022 -جىلعى قىزمەتى تۋرالى جىلدىق ەسەپ جاريالاعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى