مايقايىڭداعى ىزدەۋ جۇمىستارىنا كورىپكەلدى شاقىرعان كىم

پاۆلودار وبلىستىق توتەنشە جاعدايلار دەپارتامەنتىنىڭ باسشىلىعى مايقايىڭداعى ويىققا كورىپكەلدىڭ كەلۋىنە ءبىزدىڭ ەش قاتىسىمىز جوق دەپ مالىمدەدى.

- ت ج جونىندەگى دەپارتامەنتىنىڭ بۇل كورىپكەلدىڭ كەلۋىنە ەشقانداي قاتىسى جوق، قايعىلى وقيعا ورنىنا ىزدەلىپ جاتقان قۇتقارۋشىلاردىڭ تۋىستارى شاقىرتقان. ولاردىڭ بۇل ارەكەتىنە ەشقانداي ۆەدومستۆو كەدەرگى كەلتىرە المايدى. كورىپكەل ايەل تۋىستارىمەن بىرگە، ويىقتان قاۋىپسىز اراقاشىقتىقتا تۇردى. قۇتقارۋشىلار جۇرگىزىپ جاتقان ىزدەستىرۋ-قۇتقارۋ جۇمىستارىنا جاقىنداعان جوق. توتەنشە جاعداي ماماندارى مەن وزگە دە ماماندار نۇسقاۋلىققا سايكەس جۇمىس ىستەپ جاتىر. جۇمىستا توپىراقتىڭ قوزعالۋىن سكانەرلەيتىن تەحنيكا، گەولوگيالىق سكانەر جانە مەتال ىزدەگىش قولدانىلۋدا. سونداي-اق ويىقتىڭ تۇبىندە كينولوگيالىق توپ ىزدەستىرۋ شارالارىن جۇرگىزىپ جاتىر. جۇمىس باعىتىمىز ارنايى اسپاپتاردىڭ كورسەتكىشتەرى نەگىزىندە تۇزەتىلىپ وتىرادى، - دەپ حابارلادى وڭىرلىك توتەنشە جاعدايلار دەپارتامەنتىنىڭ باسپا ءسوز قىزمەتىنەن.

ەسكە سالا كەتسەك، مايقايىڭ التىن اۋماعىندا قۇتقارۋشىلار قاۋىپتى جاعدايدا جۇمىس ىستەپ جاتىر.

ويىق تۇبىنە تۇسىرىلگەن ەكى شاعىن ەكسكاۆاتور جەر قازۋ جۇمىستارىن اتقارۋدا.

بۇعان دەيىن ويىق استىنداعى توپىراقتان اۆتوبۋستىڭ شاناعى مەن قۇتقارۋشىلاردىڭ سومكەسى جانە وزگە دە زاتتار تابىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى