ماسكەۋدەگى ەلشىلىك جەرگىلىكتى بيلىكپەن جانە ءتيىستى قىزمەتتەرمەن بايلانىستا - قازاقستان س ءى م رەسمي وكىلى
استانا. KAZINFORM - رەسەيدەگى تەراكتىدە قازا تاپقاندار مەن زارداپ شەككەندەر اراسىندا قازاقستان ازاماتتارىنىڭ بار ەكەنى تۋرالى اقپارات جوق. بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ مالىمدەدى.
ول ماسكەۋدەگى ەلشىلىك جەرگىلىكتى بيلىكپەن جانە ءتيىستى قىزمەتتەرمەن بايلانىستا ەكەنىن جەتكىزدى.
«ءبىز قازىر جاعدايدىڭ ەگجەي- تەگجەيىن انىقتاپ جاتىرمىز. ماسكەۋدەگى ەلشىلىك جەرگىلىكتى بيلىكپەن جانە ءتيىستى قىزمەتتەرمەن بايلانىستا. قازا تاپقاندار نەمەسە زارداپ شەككەندەر اراسىندا قازاقستان ازاماتتارىنىڭ بولۋى تۋرالى اقپارات تۇسكەن جوق. قوسىمشا اقپارات كەلىپ تۇسكەن سايىن حابارلايتىن بولامىز. قازىر ەلشىلىكتە 89258977114 تەلەفونى بويىنشا جەدەل جەلى اشىلدى»، - دەدى قازاقستان س ءى م رەسمي وكىلى ايبەك سمادياروۆ.
