ماسك تۆيتتەر الەۋمەتتىك جەلىسىن اقىلى ەتپەك

ول بىرنەشە كۇن بۇرىن يزرايل پرەمەر-ءمينيسترى بينيامين نەتانياحۋمەن سويلەسىپ، بوتتارعا قارسى تۇراتىن جالعىز امال پلاتفورماعا قولجەتىمدىلىكتى اقىلى ەتۋ ەكەنىن مالىمدەدى.

«ءبىز پلاتفورمانى پايدالانۋ ءۇشىن ايىنا كىشىگىرىم تولەم ەنگىزۋگە كوشەمىز»، - دەدى Tesla مەن SpaceX باسشىسى.

بۇل اياق استىنان ايتىلعان پىكىر مە الدە ماسكتىڭ اي سايىنعى تولەم ەنگىزىلەتىنى تۋرالى ەسكەرتۋى مە - بەلگىسىز. بىلتىر Twitter باسشىلىعىنا كەلگەننەن بەرى ماسك پايدالانۋشىلاردان X Premium دەپ اتالاتىن كەڭەيتىلگەن قىزمەت ءۇشىن قوسىمشا اقى الۋعا تىرىستى. تولەم ەنگىزگەن جازىلۋشىلارعا ۇزاق جاريالىمدار قولجەتىمدى جانە پلاتفورمادا كورىنۋ مۇمكىندىگى جوعارى بولدى.

دەگەنمەن قازىر پايدالانۋشىلار X الەۋمەتتىك جەلىسىن بۇرىنعىشا تەگىن پايدالانا الادى. X Premium ءدى پايدالانۋ باعاسى - ايىنا 8 ا ق ش دوللارى. باعا ابونەنت تۇراتىن ەلگە قاراي وزگەرەدى.

دەگەنمەن ماسك X الەۋمەتتىك جەلىسىنە قولجەتىمدىلىكتى اقىلى ەتسە - پايدالانۋشىلارىنىڭ كوپ بولىگىن جوعالتىپ الۋى مۇمكىن. ول قازىر كومپانياعا كوپ كىرىس اكەلىپ جاتقان جارنامادان تۇسەتىن تابىستى ازايتۋعا اكەلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى