ماس كۇيىندە رۋلگە وتىرعان اقتوبەلىك ەكس-دەپۋتات قاماۋعا الىندى
اقتوبە قالالىق ءماسليحاتىنىڭ بۇرىنعى دەپۋتاتى سانيا مۇراتوۆا كەشە سوت قاۋلىسىمەن 15 تاۋلىككە قامالۋى ءتيىس ەدى. وبلىستىق پ د باسپا ءسوز قىزمەتى قاۋلى ورىندالىپ، ول اكىمشىلىك قاماققا الىنعانىن مالىمدەدى، دەپ حابارلايدى Kazinform.
اقتوبە قالالىق ءماسليحاتىنىڭ ەكس-دەپۋتاتى سانيا مۇراتوۆاعا ق ر اكىمشىلىك قۇقىقبۇزۋشىلىق تۋرالى كودەكستىڭ 596-بابىنىڭ 3-بولىگى (كولىك قۇرالىن جولدىڭ ءجۇرۋ بولىگىندە ورنالاستىرۋ، قارسى ءجۇرىپ ءوتۋ نەمەسە باسىپ وزۋ قاعيدالارىن بۇزۋ) جانە 608-بابىنىڭ 1-بولىگى (كولىك قۇرالىن ماس كۇيدە جۇرگىزۋ) بويىنشا حاتتاما تولتىرىلىپ، كەشە سوت قاۋلى شىعاردى.
سۋديا قايىرجان الاش ۇلى سانيا مۇراتوۆانىڭ كىناسى حاتتامامەن، مەديتسينالىق ساراپتاما قورىتىندىسىمەن، بەينەجازبامەن تولىق دالەلدەنگەنىن ايتىپ، 15 تاۋلىككە قاماققا الۋ جانە جۇرگىزۋ كۋالىگىنەن 7 جىلعا ايىرۋ تۋرالى قاۋلىسىن شىعاردى. اكىمشىلىك قاماققا الۋ اقتوبە وبلىستىق پ د-نە جۇكتەلدى.
- سانيا مۇراتوۆا 26-قازان كۇنى كەشكە اقتوبە قالالىق پوليتسيا باسقارماسىنىڭ اكىمشىلىك قاماققا الۋ ارنايى ورنىنا قامالدى. 15 تاۋلىككە قامالدى. ودان وزگە اقپارات تاراتىلمايدى، - دەدى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.
