ماس جۇرگىزۋشى قاققان 14 جاستاعى قىز جانساقتاۋ بولىمىنە ءتۇستى
ورالدا جۇرگىزۋشى ماس كۇيىندە اۆتوكولىگىمەن قاعىپ كەتكەن 14 جاستاعى قىز جانساقتاۋ بولىمىندە جاتىر، دەپ حابارلايدى قازاقپارات ءتىلشىسى.
ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، وقيعا 17- قىركۇيەك كۇنى ورال - بورتاۋ تاس جولى بويىندا بولعان.
«1971-جىلعى جۇرگىزۋشى ماس كۇيىندە «Renault Duster» اۆتوكولىگىمەن كەلە جاتىپ، ورال قۇس فابريكاسى اۋدانى «شلاگباۋم» ايالداماسى تۇسىندا بەلگىلەنبەگەن جول ۇستىمەن ءجۇرىپ وتپەكشى بولعان 14 جاستاعى قىزدى قاعىپ كەتكەن. جول اپاتى سالدارىنان اۋىر جاراقات العان جاس ءوسپىرىم اۋرۋحاناعا جاتقىزىلدى. اتالعان دەرەك بويىنشا ق ر ق ك- ءنىڭ 345-1-بابىنا (الكوگولدىك، ەسىرتكىلىك جانە (نەمەسە) ۋىتقۇمارلىق ماساڭ كۇيدە كولىك قۇرالدارىن باسقاراتىن ادامداردىڭ جول ءجۇرىسى نەمەسە كولىك قۇرالدارىن پايدالانۋ قاعيدالارىن بۇزۋى) سايكەس سوتقا دەيىنگى تەرگەۋ جۇمىستارى باستالدى»، - دەپ حابارلادى ۆەدومستۆودان.
ب ق و دەنساۋلىق ساقتاۋ باسقارماسى باسپا ءسوز قىزمەتىنىڭ ناقتىلاۋىنشا، قازىر قىز وبلىستىق كوپبەيىندى بالالار اۋرۋحاناسىنىڭ جانساقتاۋ بولىمىندە. جاعدايى وتە اۋىر.
ەسكە سالا كەتەيىك، بۇدان بۇرىن ب ق و- دا جانتۇرشىگەرلىك جول اپاتىنان قازا تاپقان 6 ادام ءبىر وتباسىنىڭ مۇشەسى ەكەنىن جازعان بولاتىنبىز.
