مارقۇم شەرزات پولاتتىڭ اكەسىنىڭ ۇستىنەن قىلمىستىق ءىس قوزعالدى
قونايەۆ. KAZINFORM - الماتى وبلىسىنىڭ پوليتسيا دەپارتامەنتى 10 - جەلتوقسان كۇنى ۇستالعان قارجاۋباي نۇرىموۆتىڭ ۇستىنەن بوتەننىڭ مۇلكىن قاساقانا ءبۇلدىرۋ فاكتىسى بويىنشا قىلمىستىق ءىس قوزعالعانىن حابارلادى.
پوليتسيا مالىمەتىنشە، 10 - جەلتوقساندا ەڭبەكشىقازاق اۋدانىنىڭ ازات اۋىلىندا بولعان جەرلەۋ ءراسىمى كەزىندە اۆتوكولىك يەسىنە ماتەريالدىق زالال كەلتىرىلگەن.
- بۇل اكىمشىلىك جاۋاپكەرشىلىك شەگىنەن ەداۋىر اسىپ، ءىس- ارەكەتتىڭ قىلمىستىق سارالانۋىنا اكەپ سوعادى. قازىرگى ۋاقىتتا وقيعانىڭ بارلىق ءمان- جايدى انىقتاۋ ماقساتىندا جان- جاقتى، تولىق جانە وبەكتيۆتى تەرگەۋ جۇرگىزىلىپ جاتىر، - دەپ حابارلادى دەپارتامەنتتەن.
ەسكە سالايىق، بۇعان دەيىن سوت شەشىمىمەن قارجاۋباي نۇرىموۆ 15 تاۋلىككە قامالعانىن جازعانبىز.
ول ازات اۋىلىندا جەرلەۋ ءراسىمىن وتكىزۋ كەزىندە قوعامدىق ءتارتىپتى بۇزعانى ءۇشىن ۇستالعان بولاتىن.
