مارادونانىڭ مۇردەسى قايتا قازىلادى
استانا. قازاقپارات - ارگەنتينا ەلىنىڭ استاناسى بۋەنوس- ايرەستە ايگىلى فۋتبولشى ديەگو مارادوناعا ارنالعان كەسەنە سالىنادى، دەپ حابارلايدى Ulysmedia.kz.
Clarin باسىلىمىنىڭ مالىمەتىنە قاراعاندا، قۇرىلىسى اياقتالعاننان كەيىن فۋتبولشىنى وسىندا كوشىرىپ، قايتا جەرلەيدى.
كەسەنە قۇرىلىسى 2025 -جىلى بۋەنوس- ايرەستىڭ پۋەرتو- مادەرو اۋدانىندا باستالادى دەپ جوسپارلانعان. مارادونا جەرلەنگەن بەليا- ۆيستا زيراتىنان ونىڭ سۇيەگىن قازىپ الىپ، كەسەنەگە كوشىرۋگە سوت رۇقسات بەرگەن. كەسەنە پرەزيدەنت سارايىنىڭ ماڭىندا ورنالاساتىن بولادى.
ديەگو مارادونا 2020 -جىلدىڭ 25 -قاراشاسىندا 60 جاسىندا قايتىس بولدى. 1986 -جىلعى الەم چەمپيونى جۇرەك تالماسىنان كوز جۇمعان ەدى. سونىمەن قاتار مارادونا ولىمىنە سەبەپكەر بولدى دەگەن ايىپپەن (جۇمىسىنا سەلقوستىق تانىتقانى ءۇشىن) سەگىز مەديتسينا قىزمەتكەرىنە قاتىستى تەرگەۋ ءجۇرىپ جاتىر.
