ماقپال ءجۇنىسوۆا 4-سىنىپ وقيتىن كەزدەگى سۋرەتىن جاريالادى
استانا. قازاقپارات - ءانشى 10 جاسىندا شەتەلگە بارىپ، كونسەرت قويعان كەزى تۋرالى ەستەلىگىن ءبولىستى.
حالىق ءارتىسى ماقپال ءجۇنىسوۆا وسىدان 50 جىل بۇرىن تۇسكەن سۋرەتىن جاريالادى.
ءانشى 10 جاسىندا شەتەلگە بارىپ، كونسەرت قويعان كەزى تۋرالى ەستەلىگىن ءبولىستى.
«4-سىنىپ وقيتىن كەزىمنەن فوتو كەلدى. الدىڭعى قاتاردا تور-تور پالتو كيىپ تۇرعان مەن. ماسكەۋ ارقىلى كرىم، سەۆاستوپول، كيەۆ قالالارىندا باياننىڭ سۇيمەلدەۋىمەن ءان شىرقادىم. سوعىس ارداگەرلەرىنىڭ الدىندا ءبىر اپتا كونسەرت قويدىق. كەشكىسىن ءبي الاڭىنا بارىپ، ەسترادا توبىمەن بىرگە اللا پۋگاچەۆا جانە سوفيا روتارۋ اپايلاردىڭ ءانىن ايتىپ، بيلەتىپ ەدىم. اتتەڭ، ول كەزدە قازىرگىدەي تۇسىرەتىن نە كامەرا، نە تەلەفون بولمادى»، - دەيدى ءانشى.
جەلى قولدانۋشىلارىنىڭ ءبىرى ءانشىنىڭ جازباسىنا شەتەلگە تەك ۇلگىلى، ونەرلى بالالار باراتىنىن جەتكىزىپ، پىكىر قالدىرعان. ماقپال ءجۇنىسوۆا ۇلگىلى وقۋشى بولعانىن ايتتى.
«ءيا، تەك بەسكە وقىعان ەدىم. الماتىعا كەلىپ، مۋزىكا مەكتەبىنە تۇسكەن سوڭ ساباق جايىنا قالدى. مۋزىكاعا بەرىلىپ كەتتىم. قوبىز، فورتەپيانو، سولفەدجيو جانە ادەبيەتتەن عانا بەس بولدى»، - دەدى حالىق ءارتىسى.
