ماۋلەن اشىمبايەۆ ريم پاپاسىمەن كەزدەسەدى
استانا. KAZINFORM – سىرتقى ىستەر مينيسترلىگى سەنات سپيكەرى ماۋلەن اشىمبايەۆ ريم پاپاسىنىڭ قابىلداۋىندا بولاتىنىن مالىمدەدى.
سىرتقى ىستەر مينيسترلىگىنىڭ رەسمي وكىلى ايبەك سمادياروۆتىڭ ايتۋىنشا، وسى جىلدىڭ 4-5- ساۋىرىندە پارلامەنت سەناتىنىڭ ءتوراعاسى ماۋلەن اشىمبايەۆتىڭ ۆاتيكانعا جۇمىس ساپارى جوسپارلانعان.
ۆەدومستۆونىڭ حابارلاۋىنشا، ساپار بارىسىندا ريم پاپاسى فرانتسيسكتىڭ قابىلداۋىندا بولادى. سونداي-اق ماۋلەن اشىمبايەۆ پەن پارلامەنت سەناتىنىڭ ءتوراعاسى يگناتسيو لا رۋسسانىڭ كەزدەسۋى جوسپارلانعان.
سونىمەن قاتار سەنات ءتوراعاسى «ءبىزدىڭ ورتاق ءۇيىمىز - ءسۇيۋدى جانە قامقورلىقتى قاجەت ەتەتىن يلاھي سىي» اتتى دوڭگەلەك ۇستەلگە قاتىسادى.
2021-جىلعى قاراشادا ماۋلەن اشىمبايەۆ ۆاتيكاندا ريم پاپاسىمەن كەزدەسىپ، ودان كەيىن وعان قاسىم-جومارت توقايەۆتىڭ قازاقستانعا كەلۋگە شاقىرعانىن جەتكىزگەن ەدى.
