ماۋلەن اشىمبايەۆ: بەس جىلدىق رەفورمالار ءوز ناتيجەسىن بەرە باستادى

ونىڭ ايتۋىنشا، بەس جىلدىق رەفورمالار ءوز ناتيجەسىن بەرە باستاعان. شيكىزاتتىق ەمەس ەكسپورت كولەمى 1,5 ەسەدەن استام وسكەن.

«ءدال وسى كەزەڭدە رەكوردتىق كولەمدە تىكەلەي شەتەلدىك ينۆەستيتسيا تارتىلىپ، 117 ميلليارد ا ق ش دوللارىن قۇرادى. 2019-جىلدان باستاپ قىزمەتتەر ەكسپورتى ءوستى، ونىڭ ىشىندە كولەمى جارتى ميلليارد ا ق ش دوللارىنان اساتىن IT- قىزمەتتەرىنىڭ ەكسپورتى 20 ەسەگە ارتتى. تۇبەگەيلى وزگەرىستەردىڭ ۋاقىتى كەلىپ، بۇرىنعى ساياسي جۇيەنىڭ تەڭگەرىمسىزدىگىنەن تۋىنداعان ەسكىرگەن الەۋمەتتىك-ەكونوميكالىق پاراديگما كۇردەلى جوندەۋدى قاجەت ەتتى. قاسىم-جومارت توقايەۆتىڭ 2023-جىلدىڭ قىركۇيەگىندە جاريالاعان جاڭا ەكونوميكالىق مودەلى ءۇش نەگىزگى قاعيداتقا نەگىزدەلگەن: ادىلدىك، ينكليۋزيۆتىلىك جانە پراگماتيزم. سونىمەن قاتار، پراگماتيزم بۇرىنعىداي كەشىكتىرىلگەن ماراپاتتى ەمەس، بەلگىلى ءبىر ۋاقىت شەڭبەرىندەگى ناقتى ناتيجەلەردى - ابستراكتىلى جەتىستىكتەردى ەمەس، ازاماتتاردىڭ ءومىرىنىڭ ناقتى جاقسارۋىن بىلدىرەدى»، - دەيدى ماۋلەن اشىمبايەۆ.

ماسەلەن، بيىل قاڭتاردا باستالعان «ۇلتتىق قور - بالالارعا» باعدارلاماسى قازىردىڭ وزىندە 6,9 ميلليون بالانى قامتىپ وتىر. ءبىر تريلليون تەڭگەدەن استام مەملەكەت اكتيۆتەرى قازىناعا قايتارىلعان. بۇل قاراجات رەسپۋبليكا بويىنشا جاڭا مەكتەپتەر سالۋعا جۇمسالىپ وتىر.

«ال ەكونوميكانى جاڭعىرتۋدىڭ اۋقىمدى باعدارلاماسى - وڭدەۋشى ونەركاسىپتەن كرەاتيۆتى يندۋسترياعا دەيىنگى نەگىزگى جۇيەسى اشىقتىق پەن باسەكەلەستىككە، نەگىزگى نارىقتاردى مونوپولياسىزداندىرۋعا، رەسۋرستارعا تەڭ قولجەتىمدىلىككە باعىتتالعان نارىقتىق رەفورمالارعا اينالۋدا»، - دەدى سەنات ءتوراعاسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى