مال ۇرلاپ، تۇرعىندارعا 10 ميلليون تەڭگە شىعىن كەلتىرگەن ادامدار ۇستالدى
تۇركىستان وبلىسىندا مال ۇرلاپ، تۇرعىندارعا 10 ميلليون تەڭگە شىعىن كەلتىرگەن ادامدار ۇستالدى
تۇركىستان وبلىسىندا تۇرعىندارعا 10 ميلليون تەڭگە شىعىن كەلتىرگەندەر ۇستالدى، دەپ حابارلايدى Kazinform.
قىلمىستىق توپ قازىعۇرت پەن تولەبي اۋداندارىنداعى جايىلىمداردان ءىرى قارا مالداردى جۇك كولىگىمەن الىپ كەتىپ وتىرعان. سودان ۇرلانعان مالدى سويىپ ساتقان. ال تاپقان پايدانى ءوزارا بولىسكە سالعان.
«التى بىردەي كۇدىكتى 30 دان استام مالدى قولدى ەتكەن. جالپى تۇرعىندارعا كەلگەن شىعىن كولەمى 10 ميلليون تەڭگەدەن اسادى. ايعاقتى زات رەتىندە كۇدىكتىلەردەن گازەل جۇك كولىگى، ۇيالى تەلەفوندار مەن سوڭعى ۇرلاپ بارا جاتقان 5 باس مال تاركىلەندى. كۇدىكتىلەر ۋاقىتشا ۇستاۋ يزولياتورىنا قامالدى. تەرگەۋ ءجۇرىپ جاتىر»، - دەدى تۇركىستان وبلىسى پوليتسيا دەپارتامەنتىنىڭ كريمينالدى پوليتسيا باسقارماسى باستىعىنىڭ مىندەتىن اتقارۋشى مارات ابدۋراحمانوۆ.
