ماكرون ا ق ش- تىڭ ەۋروپاعا قاتىستى كەز كەلگەن باج سالىعىنا ارەكەت ەتۋگە دايىن

ماكرون كانادا، مەكسيكا جانە قىتايعا باج سالىعىن ەنگىزگەن دونالد ترامپتىڭ قوقان-لوققىلارىنان كەيىن ە و ا ق ش ءۇشىن «باستى باسىمدىق» بولماۋى كەرەك ەكەنىن مالىمدەدى.

- ءسىزدىڭ ءبىرىنشى پروبلەماڭىز ەۋروپالىق وداق پا؟ جوق، مەن ولاي ويلامايمىن. ءسىزدىڭ ءبىرىنشى ماسەلەڭىز - قىتاي، سوندىقتان ءسىز ءبىرىنشى ماسەلەگە نازار اۋدارۋىڭىز كەرەك، - دەدى ەممانۋەل ماكرون.

فرانسۋز كوشباسشىسى ەكونوميكالىق بايلانىستار دەڭگەيىن ەسكەرسەك، باج سالىقتارى ەۋروپا ەلدەرى، سونداي-اق ا ق ش ەكونوميكاسىنا ايتارلىقتاي زيان تيگىزەتىنىن ەسكەرتتى.

- ەگەر ءسىز كوپتەگەن سالاعا باج سالىعىن ەنگىزسەڭىز، بۇل ا ق ش شىعىندارىن ارتتىرىپ، ينفلياتسيا تۋدىرادى. ءسىزدىڭ قالاۋىڭىز وسى ما؟ مەن بۇعان سەنىمدى ەمەسپىن، - دەدى فرانسيا پرەزيدەنتى.

ماكرون ە و ا ق ش-تىڭ ارەكەتتەرىنە جاۋاپ بەرۋگە دايىن بولۋىن، ءبىراق 27 ەلدەن تۇراتىن بلوك الدىمەن «تاۋەلسىز ارەكەت ەتۋى كەرەكتىگىن» جانە «ەگەر باج سالىعىنا قاتىستى ماسەلە تۋىنداسا، تالقىلاپ، بىرگە شەشەتىندىگىن» ايتتى.

دونالد ترامپ 1- اقپاندا بريۋسسەلدى ۆاشينگتونعا ادىلەتسىزدىك جاسادى دەپ ايىپتاپ، ەۋروپالىق تاۋارلارعا يمپورتتىق باج سالىعىن ەنگىزەتىنىن مالىمدەدى.

بۇعان دەيىن قىتايدىڭ ساۋدا مينيسترلىگى 10 -اقپاننان باستاپ ا ق ش- تىڭ ءبىرقاتار تاۋارىنا قارسى باج سالىعىن ەنگىزەتىنى حابارلانعان بولاتىن.

ا ق ش سونداي-اق بولات پەن اليۋميني يمپورتىنا باج سالىعىن ەنگىزبەكشى.

ماكرون مەن شولتس ەۋروپا ءۇشىن جاڭا باعىت قۇرۋدى جوسپارلاپ وتىرعانى تۋرالى جازعان ەدىك.

اۆتور

ەركەجان سماعۇلوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى