ماجارستاندا تۇركى مەملەكەتتەرى ۇيىمىنىڭ بەيرەسمي سامميتى وتەدى
استانا. KAZINFORM - قازاقستان بۋداپەشتتە وتەتىن تۇركى مەملەكەتتەرى ۇيىمىنىڭ بەيرەسمي سامميتىن ۇيىمداستىرۋعا بەلسەندى قاتىسۋعا دايىن. بۇل تۋرالى ق ر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ ءمالىم ەتتى.
- بۇگىنگە كەزدەسۋدە بىرىككەن ۇلتتار ۇيىمى، ەۋروپاداعى قاۋىپسىزدىك جانە ىنتىماقتاستىق ۇيىمدارى، باسقا دا كوپجاقتى قۇرىلىمدار اياسىنداعى ءوزارا ءىس-ارەكەت كەلەشەگى تۋرالى دا پىكىر الماستىق. سونىڭ ىشىندە ب ۇ ۇ- نىڭ بالاماسىز، بىرەگەي كوپجاقتى ينستيتۋت رەتىندە بەدەلىن ارتتىرۋ جانە ونى رەفورمالاۋ توڭىرەگىندە اڭگىمە قۇردىق. وسى تۇستا ماجارستان تۇركى مەملەكەتتەرى ۇيىمىنىڭ بەلگىلى ءارى بەلسەندى قاتىسۋشىسى ەكەنىن دە جەكە اتاپ وتكىم كەلەدى. ەۋروپا كەڭىستىگىندە العاش رەت وتەتىن وسى ۇيىمنىڭ بۋداپەشتتەگى بەيرەسمي ءسامميتى تۇتاس تۇركى ەلدەرىنىڭ ىقپالداستىعىن ارتتىرۋعا زور مۇمكىندىك تۋعىزباق، - دەدى مۇرات نۇرتىلەۋ باق وكىلدەرىنىڭ الدىندا مالىمدەمە جاساي وتىرىپ.
سونداي-اق مينيستر قازاقستاننىڭ بۋداپەشتتە وتەتىن تۇركى مەملەكەتتەرى ۇيىمىنىڭ بەيرەسمي سامميتىن ۇيىمداستىرۋعا دايىن ەكەنىن جانە بەلسەندى قاتىساتىنىن ايتتى.
- ءسوز سوڭىندا ارىپتەسىم پەتەر سييارتو مىرزاعا اشىق ءارى ءوزارا قولداۋ رۋحىندا وتكەن كونسترۋكتيۆتى كەلىسسوزدەر ءۇشىن تاعى دا العىس ايتامىن. باۋىرلاس ماجار حالقىنا ىنتىماق پەن قۇت-بەرەكە تىلەيمىن. ال قازاق-ماجار دوستىعى باياندى بولسىن!، - دەپ قورىتىندىلادى سىرتقى ىستەر ءمينيسترى.
ايتا كەتەيىك، بۇگىن ماجارستاننىڭ سىرتقى ەكونوميكالىق بايلانىستار جانە سىرتقى ىستەر ءمينيسترى پەتەر سيارتو ەلورداعا رەسمي ساپارمەن كەلدى.
بەلگىلى بولعانداي ماجارستاننىڭ پرەزيدەنتى تاماش شۋيوك جانە پارلامەنت سپيكەرى لاسلو كيەۆەردىڭ قازاقستانعا رەسمي ساپارمەن كەلەدى.
ودان بولەك، ق ر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ تاياۋ شىعىستاعى جاعدايعا الاڭداۋشىلىق تانىتتى.
سونداي-اق مۇرات نۇرتىلەۋ رەسەي مەن ۋكراينا اراسىنداعى قاقتىعىستىڭ وڭايلىقپەن شەشىلمەيتىنىن ايتتى.
كەزدەسۋ بارىسىندا قازاقستاندا ماجار بانكتەرىنىڭ فيليالى اشىلاتىنى ايتىلدى.
