ماجارستان قازاقستاندا ا ە س سالۋعا ءوز تەحنولوگياسىن ۇسىندى
استانا. KAZINFORM - ماجارستاننىڭ سىرتقى ەكونوميكالىق بايلانىستار جانە سىرتقى ىستەر ءمينيسترى پيتەر سيارتو قازاقستاندا اتوم ەلەكتر ستانساسىن سالۋ تەحنولوگياسىمەن بولىسۋگە دايىن ەكەنىن جەتكىزدى.
- قازاقستان اتوم ەلەكتر ستانتسيالارىن سالۋ تۋرالى شەشىم قابىلدادى. ءبىزدىڭ تەحنولوگيا مەن اتوم ەنەرگەتيكاسى سالاسىنداعى تاجىريبەمىز قازاقستان ءۇشىن قولايلى بولادى دەپ ويلايمىن، - پيتەر سيارتو قازاقستانعا رەسمي ساپارى بارىسىندا ب ا ق وكىلدەرىنىڭ الدىندا مالىمدەمە جاساي تۇرىپ.
سونداي-اق شەتەلدىك مەيمان تاراپتار ستراتەگيالىق شارت جاساسۋدى جوسپارلاپ وتىرعانىن، ونىڭ شەڭبەرىندە ماجارلىق MOL مۇناي-گاز كومپانياسى قازاقستانداعى جاڭا كەن ورىندارىن يگەرۋ سالاسىنداعى جوبالاردى ىسكە اسىرۋعا قاتىساتىنىن حابارلادى.
- ماجارلىق كومپانيالار اۋىل شارۋاشىلىعى سالاسىن جاڭعىرتۋدا ماڭىزدى ءرول اتقارادى جانە جاقىن ارادا قۇنى 25 ميلليون دوللار بولاتىن جاڭا كاسىپورىندار اشادى، - دەپ حابارلادى پيتەر سيارتو.
ايتا كەتەيىك، بۇگىن ماجارستاننىڭ سىرتقى ەكونوميكالىق بايلانىستار جانە سىرتقى ىستەر ءمينيسترى پەتەر سيارتو ەلورداعا رەسمي ساپارمەن كەلدى.
بەلگىلى بولعانداي، ماجارستاننىڭ پرەزيدەنتى تاماش شۋيوك جانە پارلامەنت سپيكەرى لاسلو كيەۆەردىڭ قازاقستانعا رەسمي ساپارمەن كەلەدى.
ودان بولەك، ق ر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ تاياۋ شىعىستاعى جاعدايعا الاڭداۋشىلىق تانىتتى.
سونداي-اق مۇرات نۇرتىلەۋ رەسەي مەن ۋكراينا اراسىنداعى قاقتىعىستىڭ وڭايلىقپەن شەشىلمەيتىنىن ايتتى.
كەزدەسۋ بارىسىندا قازاقستاندا ماجار بانكتەرىنىڭ فيليالى اشىلاتىنى ايتىلدى.
