ماجارستان حالىقارالىق قىلمىستىق سوت قۇرامىنان شىققانىن رەسمي تۇردە جاريالادى
استانا. KAZINFORM - شەشىم يزرايل پرەمەر-ءمينيسترى بينيامين نەتانياحۋدىڭ ماجارستان استاناسىنا ساپارى اياسىندا قابىلداندى.
حالىقارالىق قىلمىستىق سوت قۇرامىنان شىعۋ تۋرالى شەشىمدى پرەمەر-مينيستر كەڭسەسىنىڭ باسشىسى گەرگەي گۋلياش حابارلادى. شەشىم يزرايل پرەمەر-ءمينيسترى بينيامين نەتانياحۋدىڭ بۋداپەشت قالاسىنا ساپارى باستالعان كۇنى وعان گازا سەكتورىندا اسكەري قىلمىس جاسادى دەگەن ايىپپەن قاماۋعا الۋعا وردەر بەرىلگەنى ەسكەرىلىپ جاريالاندى.
ماجارستان ءالى دە ح ق س مۇشەسى بولعاندىقتان ول يزرايل كوشباسشىسىن ەلگە كىرگەن كەزدە ۇستاۋعا رەسمي تۇردە مىندەتتى. الايدا ۆيكتور وربان نەتانياحۋعا ماجارستاندا ەشقانداي قاۋىپ ءتونىپ تۇرعان جوق دەپ، الدىن الا سەندىردى. ماجارستان سونداي-اق ە و اياسىندا اتىستى توقتاتۋ جانە گازاداعى بەيبىت تۇرعىنداردى قورعاۋ تۋرالى بىرلەسكەن مالىمدەمەلەرگە بىرنەشە رەت توسقاۋىل قويدى.
- ۇكىمەت توقتاتۋ پروتسەدۋراسىن كونستيتۋتسيالىق جانە حالىقارالىق-قۇقىقتىق بازاعا سايكەس بەيسەنبى كۇنى باستايدى، - دەدى گ. گۋلياش.
بۇعان دەيىن بينيامين نەتانياحۋ حالىقارالىق قىلمىستىق سوت وردەرىنە قاراماستان بۋداپەشتكە كەلگەنىن جازعان بولاتىنبىز. بەيسەنبى كۇنى تاڭەرتەڭ ونىڭ وربانمەن كەزدەسۋى جوسپارلانعان.
ۆ. وربان نەتانياحۋدى 2024 -جىلدىڭ قاراشاسىندا ح ق س ونى قاماۋعا الۋ وردەرى شىققان كەزدە ماجارستانعا شاقىرىپ، بۇل شەشىمنىڭ ونىڭ ەلىندە كۇشكە يە بولمايتىنىن ايتتى.
اۆتور
زارينا تۋعانبايەۆا
