ماحاببات جايلى قىزىقتى دەرەكتەر

ولاي بولسا، نازارلارىڭىزعا ماحاببات جايلى قىزىقتى دەرەكتەر مەن عىلىمي تەوريالاردى ۇسىنامىز.

ءبىز بىرەۋدى ءسۇيىپ قالعان ساتتە «اينالامىزدا كوبەلەك ۇشىپ-قونىپ»، قاناتتانعاننان ۇشىپ كەتە جازدايمىز. ودان قالسا، باقىتتان باس اينالىپ، ءبي بيلەگىمىز كەلەدى. شىندىعىندا، بارلىعى ادام دەنەسىندە تۋىنداعان ادرەناليننەن بولادى ەكەن.

ەگەر ءبىز بىرەۋگە جاقسى اسەر قالدىرعىمىز كەلسە، ەنشىمىزدە 4 مينۋت ۋاقىت بار ەكەن.

قارسى الدىڭىزدا تۇرعان ادامعا كوبىنە دەنە قيمىلىڭىز، داۋسىڭىزدىڭ مانەرى مەن ءسوز باستاۋىڭىز (ايتىلعان ويدان گورى) جاعىمدى اسەر تۇزبەك.

زەرتتەۋلەر كورسەتىپ وتىرعانداي، ءسۇيىپ قوسىلعان جانداردىڭ جۇرەك سوعىسى كوزدىڭ تۇيىسكەن ساتىنەن ءۇش مينۋت وتەر-وتپەستە تەڭەسەتىن كورىنەدى.

عالىمدار ادام ءسۇيىپ قالعان ساتتە اعزاسى ميدىڭ 12 بولىگىن جانداندىراتىن حيميالىق زات بولەتىنىن دالەلدەدى. عاشىق بولۋدىڭ ميعا اسەرى وراسان.

عاشىقتار قۇشاقتاسقان ساتتە ءبىر-بىرىنە قاتتى باۋىر باسىپ قالعاندارىن جانە باس اۋرۋلارىنىڭ تارقاپ كەتەتىندىگىن سەزەدى.

جاقىن ادامىڭىزدىڭ جانىڭىزدا بولۋى ءوزىڭىزدى جاقسى سەزىنۋىڭىزگە جول اشادى. كەيدە ساعىنىشتى باسۋ ءۇشىن سۇيگەن ادامىڭىزدىڭ سۋرەتىنە قاراساڭىز دا جەتكىلىكتى. سىناق بارىسىندا ايقىندالعانداي، جاقىن ادامىنىڭ سۋرەتىن كورگەن جاننىڭ ەڭبەككە قابىلەتتىلىگى ارتادى.

ەر مەن ايەل، ادەتتە، وزدەرىنە ۇقساس جاندى تابۋعا تىرىسادى ەكەن. الدا-جالدا قوساعىنىڭ سۇلۋلىعى كەمشىن ءتۇسىپ جاتسا، وزگە قاسيەتتەرىمەن ساناسۋ ارقىلى، ونى تولىقتىراتىن كورىنەدى.

زەرتتەۋشىلەر ءبىر-بىرىنە تىم وتە ۇقساس جاندار مەن مۇلدە ۇقساس ەمەس جۇپتاردىڭ، ادەتتە، ايىرىلىسىپ جاتاتىنىن ايتادى.

ايىرىلىسۋ مەن قوشتاسۋ، جاقىنىڭنان ايىرىلۋ مەن سۇيگەنىڭنىڭ ساتىپ كەتۋى جۇرەك بولىگىندە دەرت تۋعىزۋى مۇمكىن. مۇنى ادامدار «جۇرەكتىڭ جارالانۋى» دەپ ايتادى.

ۋايىمداۋ مەن اۋىرسىنۋلار ميدىڭ حيميالىق قۇرىلىمىنا اسەر ەتىپ، جۇرەك جۇمىسىن قيىنداتپاق. ءوز كەزەگىندە، تىنىس الۋ جولدارىنىڭ اسقىنۋىنا الىپ كەلۋى مۇمكىن.

دەرتتىڭ مۇنداي تۇرىنە كوبىنە ايەلدەر شالدىعىپ تۇراتىن كورىنەدى، ال دارىگەرلەر ونى جۇرەك ۇستاماسىمەن شاتاستىرادى ەكەن.

ماحاببات جىل وتكەن سايىن كەمي تۇسپەك. زەرتتەۋشىلەر رومانتيكالىق ماحابباتتىڭ ءبىر جىلدان ۇزاققا سوزىلمايتىنىن ايتادى. جىل وتكەندە قارىم-قاتىناستا «تولىپ بولعان ماحاببات» ارالىعى باستالماق.

پسيحولوگتار عاشىقتىق جايلى كەز كەلگەن ويدىڭ شىعارماشىلىق ويلاۋعا اسەر ەتەتىنىن دالەلدەپ شىققان.

پسيحولوگ روبەرت ستەرنبەرگ ماحابباتتىڭ ءۇشقۇرامدى تەورياسىن العا تارتا وتىرىپ، ونىڭ بىرنەشە فورمۋلاسىن ۇسىنادى: رومانتيكالىق ماحاببات = قۇشتارلىق + ىنتىقتىق، باۋىرمال ماحاببات = ىنتىقتىق + ادالدىق، جاساندى ماحاببات = قۇشتارلىق + ادالدىق.

قارىم-قاتىناستى ۇزاققا ورناتقىسى كەلەتىندەر ەڭ ءبىرىنشى كەزەكتە بەت-ءپىشىننىڭ وڭدىلىگىنە قاراماق.

جاقسى قارىم-قاتىناس ورناعان جاندار ءبىر-ءبىرىنىڭ فيزيكالىق اۋىرسىنۋلارىن جاي عانا قول ۇستاسۋ ارقىلى جوياتىن بولىپ شىقتى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى