ماڭعىستاۋدا «West Oil Software» جۇرگىزۋشىلەرىنىڭ ەرەۋىلىنە قاتىستى پ د پىكىر ءبىلدىردى
اقتاۋ. KAZINFORM - ماڭعىستاۋدا وتكەن جىلدىڭ 11-جەلتوقسانىنان بەرى ەرەۋىلدە تۇرعان «West Oil Software» ج ش س- ءنىڭ جۇرگىزۋشىلەرىنە قاتىستى وبلىستىق پوليتسيا دەپارتامەنتى قانداي جۇمىس اتقارىلاتىنىن اتادى.
سوڭعى كۇندەرى ب ا ق بەتتەرىندەگى ەرەۋىلدە بولىپ، كەيىن جۇمىسقا قايتا ورالعان سەرىكتەستىك جۇرگىزۋشىسىنىڭ سۇحباتىنا وراي پوليتسەيلەر ءتيىستى شارالار قابىلدايتىنىن جەتكىزگەن.
«الەۋمەتتىك جەلىلەردە ماڭعىستاۋ وبلىسىنداعى ءبىرقاتار كاسىپورىنداردىڭ قىزمەتكەرلەرىن الداۋ جانە زورلىق- زومبىلىق قاۋپىمەن ەرەۋىلدەرگە قاتىسۋدى جالعاستىرۋعا ماجبۇرلەۋ تۋرالى اقپارات تاراتىلۋدا. اتاپ ايتقاندا، مۇنداي جاعداي „West Oil Software “ ج ش س ۇجىمىندا ورىن الۋدا، سوت قىزمەتكەرلەردىڭ ەرەۋىلى زاڭسىز دەپ تانىدى. جالپى سانى 100 دەن استام ادامعا جەتكەن «West Oil Software» ج ش س- ءنىڭ جەكەلەگەن جۇمىسشىلارى زاڭسىز ەرەۋىلگە قاتىسۋدان باس تارتىپ، وزدەرىنىڭ ەڭبەك مىندەتتەرىنە كىرىستى. الايدا، ولار ەرەۋىل بەلسەندىلەرىنىڭ تاراپىنان قىسىم كورۋدە. مۇنداي ارەكەتتەرگە جول بەرىلمەيدى. اتالعان دەرەك بويىنشا ەگجەي- تەگجەيلى تەكسەرۋ جۇرگىزىلەدى»، - دەپ جازىلعان ماڭعىستاۋ وبلىستىق پ د تاراتقان حابارلامادا.
سونىمەن بىرگە، دەپارتامەنت ەرەۋىلگە قاتىسۋعا شاقىرۋ بويىنشا ءتيىستى تەرگەۋ امالدارىن باستاعانىن مالىمدەدى.
«بۇگىنگى تاڭدا وبلىستىق پوليتسيا دەپارتامەنتى زاڭسىز ەرەۋىلگە قاتىسۋدى جالعاستىرۋعا شاقىرۋ فاكتىلەرى بويىنشا ق ك- ءنىڭ 402-بابى 2-بولىگى بويىنشا سوتقا دەيىنگى تەرگەۋ امالدارىن جۇرگىزۋدە.
ولارعا قاتىسى بار ادامداردىڭ كورسەتىلگەن قۇقىققا قايشى ارەكەتتەرىنە قۇقىقتىق باعا وسى قىلمىستىق ءىستى سوتقا دەيىنگى تەرگەپ- تەكسەرۋ شەڭبەرىندە بەرىلەتىن بولادى. ازاماتتاردى زورلىق- زومبىلىق، قىسىم جانە الداۋ قاۋپى فاكتىلەرى بويىنشا ىشكى ىستەر ورگاندارىنا جۇگىنۋگە جانە ارانداتۋشىلىققا بەرىلمەۋگە شاقىرامىز»، - دەدى وبلىستىق پ د وكىلدەرى.
ماڭعىستاۋ وبلىسىندا 2023 -جىلدىڭ 11-جەلتوقساندا «West Oil Software» ج ش س- ءنىڭ 400 دەن استام جۇرگىزۋشىسى تالاپ قويىپ، جۇمىسىن توقتاتقان بولاتىن. نارازى توپ وزدەرىن «قازمۇنايگاز» ۇ ك» قۇرامىنا ەنگىزۋ، ايلىق تابىستارىن قمگ ەڭبەكاقى تولەۋ جۇيەسىمەن تەڭەستىرۋ، ماتەريالدىق- تەحنيكالىق بازانى جاڭارتۋ سىندى ءبىرقاتار ۇسىنىستارىن العا تارتقانى جاريا بولدى. كەيىن جۇزگە جۋىق جۇمىسشى ءوز قىزمەتىگەن ورالعان.
