ماڭعىستاۋدا تۇرمىستىق زورلىققا ۇشىراعان 11 ايەل شۇعىل كومەك كورسەتۋ ورتالىعىنا جۇگىنگەن
ماڭعىستاۋدا بيىل تۇرمىستىق زورلىق-زومبىلىق قۇرباندارىنا ارنالعان «راي» الەۋمەتتىك شۇعىل كومەك كورسەتۋ ورتالىعىنا 11 ايەل جانە 32 بالا كومەككە جۇگىنگەن، دەپ حابارلايدى Kazinform.
الەۋمەتتىك شۇعىل كومەك كورسەتۋ ورتالىعىنىڭ ديرەكتورى رايحان بەكمانوۆانىڭ ايتۋىنشا، تۇرمىستىق زورلىق-زومبىلىق قۇرباندارىنا ارنالعان ءۇي 15 ادامعا ارنالعان. سونىمەن قاتار ورتالىققا كەلگەن ءاربىر ايەلگە 8 باعىتتا كومەك كورسەتىلەدى. اتاپ ايتقاندا، الەۋمەتتىك قىزمەت، قۇقىق، پسيحولوگيالىق، تاربيەلىك، پەداگوگيكالىق، مادەني-دەمالىس ساۋىقتىرۋ جانە ەڭبەك تەراپياسى.
- تۇرمىستىق زورلىق-زومبىلىققا دۋشار بولعان ءاربىر ايەل ورتالىقتى 6 ايعا دەيىن پانالاي الادى. ءبىراق ونىڭ ماسەلەلەرىن شەشۋ ءۇشىن ءوزىنىڭ كەلىسىمى مەن قۇقىعى بويىنشا پانالاۋ مەرزىمىن انىقتايمىز. ايەل 1 ايعا نەمەسە ءبىر كۇنگە كەلۋى مۇمكىن. ەگەر ول جىل ورتاسىندا كەلسە، وندا ول جەلتوقسان ايىنا دەيىن وسىندا ءومىر سۇرە الادى. ويتكەنى، ءبىز جىل باسىنان باستاپ سانايمىز، - دەيدى رايحان بەكمانوۆا.
ايتا كەتسەك، تۇرمىستىق زورلىق- زومبىلىققا دۋشار بولعان انالار بىردەن وسى نومىرگە حابارلاسا الادى: 77785596463+.
كورسەتىلگەن ءنومىر رەسپۋبليكا اۋماعى بويىنشا تىركەلگەن.
