ماڭعىستاۋدا دالادان جاڭا تۋعان ءسابي تابىلدى
اقتاۋ. KAZINFORM - شاقالاق مۇنايلى اۋدانى بەسشوقى اۋىلىنداعى تۇرعىن ۇيلەردىڭ تەرەزەسىنىڭ الدىنان تابىلعان.
بالانى تاڭەرتەڭ ۋاقىتتا ساعات 09:30 شاماسىندا تۇرعىنداردىڭ ءبىرى بايقاعان.
ماڭعىستاۋ وبلىستىق پوليتسيا دەپارتامەنتى اتالعان دەرەكتى راستاپ، بالانىڭ اناسى ىزدەستىرىلىپ جاتقانىن حابارلادى.
- وسى وقيعا بويىنشا قىلمىستىق ءىس قوزعالدى. اناسى ىزدەستىرىلىپ جاتىر. ءسابي پەرزەنتحانادا جاتىر، - دەلىنگەن پوليتسيا تاراتقان حابارلامادا.
بۇعان دەيىن قاراعاندى وبلىسىندا پويىزدا بوسانعان ايەل بالاسىن تەرەزەدەن لاقتىرىپ جىبەرگەنى انىقتالدى.
سونىمەن قاتار الماتىدا جاڭا تۋعان ءسابيىن تاستاپ كەتكەن ايەل ۇستالعانى بەلگىلى بولدى.
