ماڭعىستاۋدا 280 دارىگەر جەتىسپەيدى

- كادر تاپشىلىعى - مەديتسيناداعى نەگىزگى ماسەلە، - دەيدى وبلىستىق دەنساۋلىق ساقتاۋ باسقارماسىنىڭ باسشىسى بەكبولات ءىزباساروۆ.

سوندىقتان ايماققا دارىگەرلەردى شاقىرىپ، تۇراقتاندىرۋ ءۇشىن جان-جاقتى قولداۋ كورسەتىلەدى.

- اۋىلدىق جەرلەرگە جۇمىسقا كەلەتىن ماماندارعا 8,5 ميلليون، جاڭاوزەن قالاسىنا كەلەتىن ماماندارعا 5 ميلليون، ال اقتاۋ قالاسىنا كەلەتىن ماماندارعا 3 ميلليون تەڭگەدەن ءبىرجولعى الەۋمەتتىك كومەك بەرىلەدى. مەديتسينالىق ۇيىمدارعا جۇمىسقا كەلەتىن جاس ماماندار مەن شاقىرىلعان مامانداردى جەرگىلىكتى بيۋدجەت ەسەبىنەن تۇرعىن ۇيمەن قامتاماسىز ەتۋ ماقساتىندا، بيىل 50 قىزمەتتىك پاتەر (اقتاۋدا 35، جاڭاوزەندە 15) ساتىپ الۋ قاراستىرىلعان، - دەيدى باسقارما باسشىسى.

اتالعان قولداۋدىڭ ارقاسىندا جاڭاوزەن قالاسىنا بىلتىردان بەرى 8 دارىگەر كەلگەن. ماماندار 5 ميلليون تەڭگەدەن ءبىر جولعى الەۋمەتتىك كومەكتى الىپ، باسپانامەن قامتىلعان. سولاردىڭ ءبىرى - ەرلان اشىربەكوۆ. رەانيماتولوگ دارىگەر پاۆلودار وبلىسى باياناۋىل اۋدانىنان ارنايى شاقىرىلعان. ءقازىر جاڭاوزەن قالالىق كوپبەيىندى اۋرۋحاناسى جانساقتاۋ ءبولىمى مەڭگەرۋشىسىنىڭ مىندەتىن اتقارادى.

- ماڭعىستاۋعا، ونىڭ ىشىندە جاڭاوزەن قالاسىنا قونىس اۋدارۋىما سەبەپشى بولعان وسى اۋرۋحانانىڭ باسشىلىعى مەن جەرگىلىكتى اكىمشىلىك. ءبىر جولعى كومەكتەرىن بەردى. قىزمەتتىك پاتەر بەرگەنگە دەيىن قازىرگى پاتەردىڭ جالداۋ قۇنىن تولەپ جاتىر. ارىپتەستەرىم دە، جاڭاوزەننىڭ حالقى دا جىلى قارسى الدى. ءبىزدىڭ ماقساتىمىز - قازاقستاننىڭ قاي وڭىرىندە بولسىن، حالىققا مەديتسينالىق كومەك كورسەتۋ، - دەيدى رەانيماتولوگ دارىگەر.

وبلىستا تاپشى ماماندار: رەانيماتولوگتار، ەندوكرينولوگتار، ونكولوگتار، گەماتولوگتار، گينەكولوگتار، تراۆماتولوگتار، پەدياتورلار، تەراپيەۆتەر مەن جالپى تاجىريبەلى دارىگەرلەر.

بۇعان دەيىن، ماڭعىستاۋدا كاسپي تەڭىزىندە قىرىلعان يتبالىقتاردىڭ زەرتتەۋ قورىتىندىسىنىڭ قاشان جاريالاناتىنى تۋرالى جازعان بولاتىنبىز.

اۆتور

اياگوز ءىزباساروۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى