ماڭعىستاۋدا 2 جاستاعى بالا دارەتحانا ىشىنە ءتۇسىپ كەتتى
اقتاۋ. KAZINFORM - ماڭعىستاۋداۋ ءتۇپقاراعان اۋدانىنا قاراستى اقشۇقىر اۋىلىندا كىشكەنتاي بالا دارەتحانا شۇڭقىرىنا قۇلاپ كەتىپ، ولىمنەن امان قالدى.
ەندى عانا اياق باسىپ جۇرگەن ءسابي ۇلكەندەردىڭ كوزى الا بەرە اۋلاداعى دارەتحانا ىشىنە ءتۇسىپ كەتكەن. بۇل وقىس وقيعا 31-ناۋرىز كۇنى بولدى. اتالعان اقپاراتتى ءوڭىردىڭ توتەنشە جاعدايلار دەپارتامەنتى راستادى.
«كەشە كۇندىز ساعات 13:12 كەزىندە ءتۇپقاراعان اۋدانى، اقشۇقىر اۋىلىنا شۇعىل شاقىرتۋ كەلىپ ءتۇستى. اۋىلداعى 2 ورامدا ورنالاسقان ءۇيدىڭ اۋلاسىندا ورنالاسقان دارەتحانانىڭ ىشىنە 2 جاسار قىز بالا ءتۇسىپ كەتكەنى بويىنشا اقپارات حابارلاندى. الايدا شاقىرىلعان جەرگە جەتكەنگە دەيىن، ءوز كۇشتەرىمەن قۇتقارىلعانى بەلگىلى بولدى»، - دەدى ماڭعىستاۋ وبلىستىق ت ج د-نىڭ باسپا ءسوز قىزمەتى.
اۆتور
جانكەلدى قارجان
