ماڭعىستاۋ تۇرعىنى وبلىس اكىمدىگىنىڭ الدىندا ءوزىن- ءوزى جاعىپ جىبەردى
استانا. KAZINFORM - ماڭعىستاۋ تۇرعىنى وبلىس اكىمدىگىنىڭ الدىندا ءوزىن-ءوزى جاعىپ جىبەردى. ول ءوڭىر باسشىسىنىڭ جەكە قابىلداۋىنا كىرگىزۋدى سۇراعان.
ماڭعىستاۋ وبلىستىق ىشكى ساياسات باسقارماسىنىڭ مالىمەتىنشە، بۇگىن، 5-جەلتوقساندا وبلىس اكىمدىگىنىڭ عيماراتىنا ءبىر تۇرعىن كەلىپ، اكىمگە جولىقتىرۋدى سۇراعان.
اكىمدىك قىزمەتكەرلەرى وعان تۇرعىنداردى جەكە سۇراقتارى بويىنشا قابىلداۋ جۇرگىزىلىپ جاتپاعانىن، بەكىتىلگەن گرافيككە سايكەس جازىلىپ كەلۋىن وتىنگەن.
سونداي-اق تۇرعىندى قاراقيا اۋدانى اكىمىنىڭ ورىنباسارى قابىلداعان.
«وعان قاناعاتتانباعان ازامات ۇستىنە جانعىش قوسپانى قۇيىپ، ءوزىن ورتەپ جىبەردى. پوليتسيا مەن اكىمدىك قىزمەتكەرلەرىنىڭ كۇشىمەن ءورت جەدەل ءسوندىرىلدى. جەدەل-جاردەم شاقىرىلىپ، ول كەلگەنشە زارداپ شەگۋشىگە العاشقى مەديتسينالىق كومەك كورسەتىلدى»، - دەلىنگەن حابارلامادا.
