ەلىمىزدەگى پويىزداردا قاشان ساپالى ينتەرنەت قوسىلادى

ونىڭ ايتۋىنشا، بىلتىر مينيسترلىك رەسپۋبليكالىق ماڭىزى بار اۆتوجولداردا ينتەرنەت جەلىسى ناشار قامتىلعان اۋماقتارعا قاتىستى ءتيىستى تالداۋ جاسادى.

- تالداۋ نەگىزىندە ءبىز انتەننالىق تىرەك قۇرىلىستارىن قوسىمشا ورناتۋ قاجەت 243 نۇكتەنى انىقتادىق. ءقازىر اكىمدىكتەر جوبالىق-سمەتالىق قۇجاتتامانى ازىرلەپ جاتىر. قازىردىڭ وزىندە 80 گە جۋىعى ورناتىلدى. 2025 -جىلى رەسپۋبليكالىق ماڭىزى بار جولداردا ينتەرنەت جەلىسى جاقسارادى. سونىمەن قاتار، جەرگىلىكتى ماڭىزى بار جولدارعا دا تالداۋ باستالدى، ونىڭ قورىتىندىسى بويىنشا ءىس-شارالار جوسپارى قۇرىلادى، - دەدى ر. كونياشكين پارلامەنت ماجىلىسىندە كولىك- لوگيستيكالىق الەۋەتىن دامىتۋ تاقىرىبىنا ارنالعان ۇكىمەت ساعاتىندا.

بۇدان بولەك ۆيتسە-مينيستر پويىزدارعا ينتەرنەت تارتۋعا قاتىستى ءتۇرلى تەحنولوگيا زەرتتەلگەنىن ايتتى.

- ەڭ دۇرىس نۇسقا - ول تومەن وربيتالىق سپۋتنيكتەر ارقىلى ينتەرنەتپەن قامتاماسىز ەتۋ. قازىر OneWeb-پەن كەلىسسوز ءجۇرىپ جاتىر. قاڭتار ايىندا ق ت ج- مەن بىرلەسىپ پيلوتتىق جوبانى ىسكە قوسۋدى جوسپارلاپ وتىرمىز. ونىڭ ناتيجەلەرى بويىنشا ۇسىنىلاتىن ساپا مەن تاريفتەر قانشالىقتى ءتيىمدى بولاتىنىن پىسىقتاپ، شەشىم قابىلدايمىز، - دەدى روستيسلاۆ كونياشكين.

ەسكە سالساق، ەلىمىزدە ەكى مىڭعا جۋىق مەكتەپ Starlink ينتەرنەتىنە قوسىلدى.

اۆتور

رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى