ەلىمىزدەن قانداي ماماندار كەتىپ جاتىر

- قازاقستاننان حالىقتىڭ تۇراقتى تۇردە كەتۋى بايقالادى. ماسەلەن، 2019-جىلى ەلدەن 159 مىڭ ازامات ءبىرجولا كەتكەن، ولاردىڭ نەگىزگى بولىگى سولتۇستىك، ورتالىق جانە شىعىس وڭىرلەرىنە تيەسىلى. بۇل شامامەن 105 مىڭ ادام، - دەدى ولجاس انافين سەنات قابىرعاسىندا وتكەن ءىس-شارا بارىسىندا.

ونىڭ ايتۋىنشا، قازاقستاننان كەتكەن ازاماتتاردىڭ 80 پايىزى ت م د ەلدەرىنە قونىس اۋدارىپ جاتىر.

- ەلدەن كەتكەندەردىڭ 73 پايىز ەڭبەككە قابىلەتتى جاستاعى ازاماتتار، ولاردىڭ ىشىندە 30 پايىزى - تەحنيكا، ەكونوميكا جانە پەداگوگيكا سالاسىنداعى بىلىكتى كادرلار، - دەپ اتاپ ءوتتى ولجاس انافين.

دەگەنمەن ۆيتسە-مينيستر ەل ىشىندە ىشكى كوشى-قوننىڭ قارقىن العانىن ايتىپ وتىر.

- 2024-جىلى ىشكى كوشى-قون اياسىندا 689,5 مىڭ ادام وڭىرلەر اراسىندا قونىس اۋداردى. ولاردىڭ 411,4 مىڭى ايماقتارعا ورنالاستىرىلدى. ىشكى حالىق قوزعالىسى بويىنشا ەڭ ۇلكەن اعىن استانا، الماتى جانە شىمكەنت قالالارىنا باعىتتالعان، بۇل نەگىزگى ىشكى كوشى-قوننىڭ 50,6 پايىزىن قۇرايدى، - دەدى ۆيتسە-مينيستر.

بۇعان دەيىن ولجاس انافين قازاقستاندىقتار سولتۇستىك وڭىرلەردەن كوشۋ جالعاسىپ جاتقانىن ايتقان بولاتىن.

بۇگىن سەناتتىڭ الەۋمەتتىك- مادەني دامۋ جانە عىلىم كوميتەتىندە «دەموگرافيالىق ءوسۋ - ۇلتتىڭ ستراتەگيالىق ارتىقشىلىعىنىڭ نەگىزى» تاقىرىبىندا بىلتىر وتكەن ۇكىمەت ساعاتىندا قابىلدانعان ۇسىنىمداردى ىسكە اسىرۋ قورىتىندىلارىن تالقىلاۋعا ارنالعان كەڭەيتىلگەن وتىرىس ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى